خلقي ضيق أوي ومش قادرة أستمتع بأي حاجة في حياتي

Question

خلقي ضيق أوي يا جماعة الموضوع يبان عادي لكنه أقسم بالله حارمني من أي لذة في الحياة أمنية حياتي أستمتع بأي حاجه اعملها مش بستمتع بأي حاجة حتى لو حاجة بحبها عايزة كله يحصل دلوقتي و يخلص دلوقتي و الحياة تعدي بجد الموضوع ده قارفني مش عارفة اعيش حياتي عادي طول الوقت بجري ورايا و مش عارفة اصبر او أستنى لو حاجة بحبها حتى هتاخد مني وقت كبير بكنسل فعلها زي الكتابة مثلًا بحبها اوي و شاطرة فيها لكني بنكسل كل مرة اعملها عشان بتاخد وقت نفسي اتعامل عادي ولو حد حكالي موضوع مرتين او اداني اوردر مرتين ورا بعض بزعق و بتعصب و بفقد اعصابي تماما طول حياتي كده بجد و مش بستقر في شغل بسبب الموضوع ده لما بشتغل و مش بلاقي جدوة بمشي فورا و مبعرفش استنى النتيجة النهائية أعمل إيه أرجوكم فيدوني أنا نفسي أعيش حياتي عادي بجد عايزة أحس بأستمتاع و اللذة

Peanut_63801 🇪🇬 · Accepted Answer

ده احتمال يكون اكتئاب او ادمان ع حاجه تانيه او غيره
لكن هقولك طريقة احتمال نجاحها 70%
حاولي تسمعي قرءآن او اي حاجه دينة حسب دينك لأن ده بيريح الروح و هيبعد عنك المشاعر السلبية و خلي علاقتك بربك فوق كل شئ لإنك هتحسي بالأمان و ان احلامك هتتحقق معاه و خصصي وقت قصير ف الاول عشان الحاجات الي بتحبيها و كذلك للتعلم عن المواضيع الي بتحبيها و هتلاقي نفسك قادرة انك تطولي المدة مع الوقت

Watermelon_63493 🇪🇬 · Answer

كم سنة؟

Ice Cream_63106 🇪🇬 · Answer

انا نفس مشكلتك مش بعرف استمر على اي حاجة
بس دايما بحاول 
حاولي ادعي كتير وقولي لا حول ولا قوة الا بالله
وربنا يوفقك يارب

Chocolate_61968 🇪🇬 · Answer

19

Chocolate_61968 🇪🇬 · Answer

عايزة أقول حاجة كمان اني طول الوقت مكشرة حرفيًا طول الوقت متعصبةعصبيةمُفرطةلدرجةالعياط و ساعات بحس أن دماغي هتتشل من كتر الأفكار السريعة و تزاحمها ولو عايزة احفظ قرآن عايزة أحفظه في شهرين مثلا اكون حافظة 5 أجزاء و ده شيء مستحيل فشلت في أني أصبر قولولي أعمل إيه؟

Watermelon_63493 🇪🇬 · Answer

طيب هى فترتك دى كدة
تقلبات مزاجية
وتفكير كتير فى الوقت
وانه بيجري
ويمكن تفكير فى الموت
او تفكير فى فقدان حد عزيز
كل لحظة حلوة بتخافي ماتتكررش 
وكسلانة وهكذا
دة طبيعي
بمرور الوقت وخبرات الايام
الدنيا هتتظبط وهتعيشي احلا ايام

Almond_63696 🇪🇬 · Answer

انا عصبيه جدا بردو بس انتي طريقتك في التعبير عن مشكلتك ضحكتني والله 😂😂
بصي يست شوكلاته حاولي تصلي وتقربي من ربنا وتدعي انو يهديكي عشان صدقيني انتي كدا بتضري نفسك قبل متباني غريبه قدام اللي حواليكي،،، حاولي اول متتعصبي تغمضي عينك وتتنفسي براحه حاولي متدخليش في جدال مع ناس انتي عارفه انهم مستفزين وهيعصبوكي عموما تجنبي الجدال ع قد متقدري ومتحطيش في دماغك ان هي دي شخصيتك وهي دي طباعك عشان متفضليش كدا

Chocolate_61968 🇪🇬 · Answer

أنا مُلْتَزَمة لله الحمد و بعمل حاجات كتيره جدا الدين الحاجة الوحيدة اللي بعملها عادي بس بستعجل في حفظ القرآن مثلا لكن في الحياة العادية بعيد عن الدين بكون عصبية عصبية جدا بشكل  مُفرط لدرجة العياط

Peanut_63801 🇪🇬 · Answer

ما شاء الله عليكي
المقصود مكنش التقصير الديني
المقصود انك تلاقي السكينة من خلال العبادات و الحديث لله بكل ما يقلك او مجرد السجود لتستشعري قرب الله منكِ
المقصود انك تشغلي مثلا قرءآن لفترة او مثلا ترددي بخشوع و بعد كده ربنا يبعد عنك كل ضيق لأنك لجأتيله و كل الي بيلجأ لربنا بيراضيه

Orange_56079 🇪🇬 · Answer

الله يفتح عليكي انتي بتوصفيني بالحرف لدرجه اني بقيت خايف اخد اي خطوه لمستقبلي معايا بكالوريوس هندسه وشغال في قهوه وجالي اكتئاب اني اعافر اصلا وحابب ادخل مجال التصميم وخلقي ديق لدرجه اني مش قادر احاول حتي

Ice Cream_63466 🇪🇬 · Answer

طالما عارفه كل المشكله اذن الحل ب ايدك اولا لما تيجي تكنسلي الحاجه امنعي نفسك قولي لنفسك طيب مانا اطول بالي دقايق اوساعات اوايام اي ان كان الظرف اللي انتي فيه غيري الطريقه للأحسن عشان تاخدي نتيجه احسن وتتخطي الشعور ده