خطوبتي انتهت ومش قادر أنساها - وجع الذكريات يخنقني

Question

خطوبتي انتهت بعد سنه ونص ، عدي بعدها 7 شهور ومش قادر ولا عارف أنساها 
بفكر فيها كتير وبشوفها قدامي طول الوقت ، بفتكر الذكريات وكل حاجه عشتها معاها
مش عارف اعيش قصه حب جديده ولا قادر ارجع للي فات تاني 
حاسس بخنقه كبيره اوي وبيجي عليا الليل شريط ذكريات يعدي عليا

Coffee_52917 🇪🇬 · Accepted Answer

فترة قليلة اوي لو كانت مشاعرك صادقة بجد انك تنسى بعد سبع شهور و طبيعي و بلاش اي علاقة تدخل او تحاول حد ياخد مكانها لانها هتتظلم الي هتيجي مكان حد دي خد بريك لنفسك اهتم بنفسك اكتر و صحتك و شغلك اتعلم حاجات جديدة و لو عندك هواية اديها كل وقتك و اهتم بعلاقة اهلك اكتر و اخواتك و لو مفيش اخوات اهتم بمامتك و باباك و اطلع مع صحابك و سافر غير جو اهم حاجة متسبش نفسك للذكرايات

Cheese_28254 🇪🇬 · Answer

طيب ليه ماتحولش تصلح إللي حصل بينكم وتوصلوا لنقطه تتقبلوا فيها واعترفلها بحبك دا يمكن هي كمان ذيك كدا

Apple_51890 🇪🇬 · Answer

بحاول طول الوقت اشغل وقتي ف الشغل طول اليوم بس مجرد ما يكون لوحدي بليل قبل النوم برجع افتكر كل حاجه 
يمكن خلال الفتره الخطوبه دي عشت معاها تفاصيل و رتبت حياتي معاها 
سنه ونص وكنت خلاص هكون بحدد فرحي اليومين دول ، بس فجاه لقيتني رجعت لنقطه الصفر 
عيد ميلادها عدي من يومين كنت هموت واسمع صوتها واجيبلها هديه وأعملها احلي عيد ميلاد زي السنه اللي قبلها لما كانت معايا

Apple_51890 🇪🇬 · Answer

مبقاش ينفع خلاص 
اهلها دخلوا ف النص بينا عملوا مشاكل كتير وصلت بينا ان كل واحد يمشي ف سكه عكس التاني

Cheese_28254 🇪🇬 · Answer

انت مش هتنسي بس ممكن تتناسي لأن دا مش مجرد معدي وخبط صباع رجلك الصغير لأ دا بني ادم ربط حياتك بحياته حاول علي قد مااقدر وقت ماتنام اشغل نفسك لحد ما النوم يتملك منك ممكن تمسك الفون مثلاً أو تشغل نفسك بحاجه المهم ذهنك يكون مركز أوي في الحاجه اللي بتعملها لحد ما تلاقي نفسك فجأة نمت وربنا يريح قلبك وعقلك ويرزقك السكينه

Coffee_52917 🇪🇬 · Answer

خليك متاكد و واثق انها مش نصيبك طلامة مشيت و كنت هتتعب اكتر بوجودها حتى لو كان في حاجات حلوة تانية اتاكد انها مش خير ليك اكيد و ثق في ترتيبات ربنا الي احلى من ترتيباتك خليك مؤمن و قولها لنفسك كتير لو كان خيرًا لبقى و خليك مؤمن بعرض ربنا الاحلى منها و الي هتريحك اكتر من الي كنت مرتب نفسك و حياتك عليها