خطتى فى الرجوع لمصر P1 بدأت اقول لماما عند قد ايه انا مستاءة من الدراسة هنا بعد الاون لاين وقد ايه مدرسين مصر احسن بمراحل وفى تنافس قوى وانى حاسه ان مستوايا بيتدهور فبدأت انها تتراجع فى القرار ده خصوصا ان طباع بابا وطريقة تفكيره مختلفة عنها بس حست ان لسا برضو المسئولية كبيرة عليها فقررت ان ابدأ اقولها على البنات اللى مش كويسين وابينلها انى خلاص بقيت زيهم من خلال تصرفات واعمل نفسى مقموصة ومش عايزه اكلمهم واقعد اسبوع مكلمهمش والحقيقة انى كنت فى الوقت ده بذاكر لان اغلى حاجه عندى هى دراستى ومستحيل اسمح لقرار خطأ انه يدمر كل اللى بنيته بدأت ابينلها قد ايه مصر احلى واخواتى كمان كانوا عايزين ينزلوا مصر مكنوش مقتنعين بس كنت بقعد معاهم وافتح الموبايل واوريهم اماكن حلوة فى مصر وافكرهم بذكرايتهم مع صحابهم فبقوا خلاص عايزين ينزلوا مصر كده خليت ماما مقتنعة بنسبة ٩٠٪ واخواتى بنسبة ١٠٠٪ وحاليا مستنيين الامتحانات تخلص ونقعد شهرين الاجازة مضطرين للأسف بسبب تفاصيل شغل ماما بس الاهم انى هرجع مصر وخلاص اخدنا القرار

3

15