خايفة من مستقبلي ومجموع طب.. مش عارفة أعمل إيه؟

Question

انا في سنه هتحدد مستقبلي واكتشفت انهارده قد ايه انا مش عندي مسئولية ولا مهتمية بدراستي بس ده اول مره تحصل السنادي انا ديما بطلع اوائل وده مش طبيعي حسيت اني خايفة أواجه خوفي وأدركت أنه كله سبب اني خايفة مجبش مجموع طب وبدأت أدرك أن طب اعلي مني بكتير حتي لو دخلتها صعبه عليا اتخصص انا شخص مش مسئول ومن ناحية تاني انا هموت ادخل طب دي كلية احلامي وعايزه افرح البيت وانا مش عارفه اعمل ايه ولا الم اللي فاتني ازاي

Coffee_30374 🇪🇬 · Accepted Answer

طب انتي حصل معاكي ايه عشان يخليكي بداتي تفقدي الشغف من نحيه الدراسه و غير كده لازم تهيئي نفسك نفسيا قبل اي حاجه و لازم تواجهي مخوافك انتي عايزه تزاكري و كل ده بس خايفه متنجحيش و تعبك يضيع عموما ربنا مبيخزلش حد و ف نفس الوقت مش هيحط قدامك حاجه غير لو خير ليكي  انتي زاكري و اتعبي علي اد متقدري و انشاء الله تدخليها ولو مدخلتيهاش فكري ف الجانب الايجابي مش يمكن كان يحصل حاجه وحشه لو دخلتها و حبي حياتك

Carrot_30308 🇪🇬 · Answer

ليا حد اعرفه كان يقدر يخش طب بشري مستريح ولكن بسبب التوتر نقص درجات ودخل طب بيطري 
اوعي تقعي في فخ التوتر .

Donut_30211 🇪🇬 · Answer

انا ديما بحس اني مستحقش الدرجات اللي بيجبها ديما بحس أن مجهودي مش كفايا لحد ما وصلت لأهم سنه وانا مش عارفه ابعد الاحساس اني عمري ما عملت كفايا ولا هعرف اعمل ودلوقتي انا مش عارفه اذاكر مش حاسة اني هقدر اجيب طب

Donut_30211 🇪🇬 · Answer

طيب اعمل ايه انا حاسة اني لو عملت اللي عليا ممكن اجيب طب عادي بس انا مش عارفه ابدأ ومش عارفه اعمل حاجة ولا عارفة اعمل اللي عليا

Croissant_30371 🇪🇬 · Answer

بصي انا رايي ان مفيش حاجه اسمها كليه قمه او مش قمه اول حاجه نتي ال بتعملي نفسك شخصيه ناجحه او شخصيه فاشله
ناس كتير دخلت طب وفاشله ومش ناجحين وفي ناس شاطرة وناجحه والتجارة في ناس دخلتها واتفوقت فيها وبقي ليهم شأن وفي ناس دخلوها عشان فاشلين وكذالك جميع الكليات
دي حاجه بتعمد عليكي نتي
اولا ياريت تشوفي نفسك ف اي سواء طب او غيرو وفكك من ال حواليك نتي ال هتعيشي وهتشتغلي وكد كد هتشرفي اهلك ب اجتهادك

Croissant_30371 🇪🇬 · Answer

مش بكليتك ولو حلمك وال نتي عيزاه طب توكلي ع الله ومتقوليش حتا لو دخلت م هقدر لا انتي اسعي وذاكزاي واعملي ال عليكي وربنا هيختارلك ال فيه الخير سواء كان طب او حاجه تانيه وربنا يوفقك ويوفقنا جميعا ي دونت🫂❤️

Marshmallow_30376 🇪🇬 · Answer

مش شرط تكوني مش عندك مسئوليه
في النقطه دي احنا اللي بنقنع نفسنا بيها وبنقنع عقلنا احنا اي 
طول السنين اللي فاتو كنتي بتطلعي من الاوائل معني كدا انك قد المسئوليه بس وارد تعبتي او ارهقتي بتحصل انتي لسه فأول السنه
 اتعاطفي مع نفسك والتمسي ليها العذر متضغطيش عليها اكتر لما تحسسي نفسك انك حاسه بيها ومقدراها ومقدره انها فتره وتعدي وقتها هتقدري يبقي عندك طاقه تاني تكملي

Marshmallow_30376 🇪🇬 · Answer

بس بشرط تشوفي انتي فعلا بتحبي اي وتعمليه مش عشان حد عشان نفسك وبس متفكريش امي او ابي هيفرحو بأي فكري انتي هتفرحي بأي ممكن تكتشفي بعدين ان الطب مش شبهك ومش انتي من جواكي وسبحان الله ربنا ديما بيبعتلنا الخير حتي لو فالأول متقبلناش دا بس بنكتشف فالاخر ان اللي اخدناه هو الخير لينا

Cherry_29409 🇪🇬 · Answer

بصي اول حاجة كدا هو في وقت تلمي كل اللي فاتك و ترجعي عليه مرة واتنين كمان 
تاني حاجة بقي الخوف اللي انتي حاسة بيه ده طبيعي جدا طبيعي تحسي انك خايفة متجبيش مجموع بس خوفك الطبيعي ده انتي لازم تحوليه لحاجة ايجابية انتي خايفة اه متجبيش مجموع الطب ف انتي هتزكري كتير اوي عشان تجيبه و ان شاء الله تجبيه
و تالت حاجة بقي انك بنقولي انك شخص مش مسئول و ده مش حقيقي لانك اصلا بتطلعي من الاوائل

Donut_30211 🇪🇬 · Answer

انا نفسي اكون دكتورة أوعية دموية ده حلمي من زمان ونفسي ادخل القصر العيني جدا بس الفكره اني كل ما ابص علي نفسي واللي بعمله بحس قد ايه اني مش قدها واني مش هعرف اجيبها ابدأ

Donut_30211 🇪🇬 · Answer

انا لحد دلوقتي مبدأتش وخوفي بدأ يبقي خوف مرضي اني مش عارفه اعمل حاجة بسببه اني ديما خايفة وكل ما ابدأ يلاقي نفسي تلقائيا بقوم وبحس اني كدا كدا مش هجيب مع اني بحل حلو جدا بس بتحصل حاجة انا مش فاهماها وبتخيلني اقوم من علي المذاكره ومكملش

Donut_30211 🇪🇬 · Answer

بس انا فعلا مش بعمل اللي عليا ودي مش مسئولية ومش عارفه اذاكر من أول السنه ومراكمه كل حاجة يعتبر لسة هبدأ وفيه وقت اه وانا لسة في الاول بس لو استمر اني بخاف ابدأ تاني وابدأ أراكم تاني اعمل ايه انا خايفة السنه تروح مني وافوق علي الامتحانات

Cherry_29409 🇪🇬 · Answer

ادائي كل اللي فاتك ده هتلحقي تلميه واللهي عشان هو لسه كبير اوي كمان علشان تلحقيه تلميه و ترجعي كمان 
بصي هو كل الحكاية الافكار اللي بتيجي ف دماغك زي انك كدا كدا مش هتجيبي مجموع حتي لو ذكرتي و انو مفيش فايدة من اي مجهود بتعمليه بس كل ده سببو الخوف اللي بدا يزيد و يخليكي مش عارفة تذاكري بسببو
ف كل اللي هتعملي انك تعرفي ازاي تتحكمي ف الخوف ده

Marshmallow_30376 🇪🇬 · Answer

الخوف والقلق دا حله الصلاه والاذكار وكثره الدعاء والاستغفار ادعي من قلبك ربنا يرزقك الخير ويرضيكي بيه وادعي ربنا يقدرك ويطمن قلبك وان شاء الله هتلاقي انك بقيتي اهدي كتير وحاولي تحفزي نفسك بحاجات بتحبيها مثلا اعملي جدول للمذاكره وانك لما تخلصي هتكافئي نفسك بيها فيلم مثلا او مسلسل او اكله حلوه وحاولي تقنعي نفسك انك مش فحرب وان كل حاجه بأيد ربنا

Donut_30211 🇪🇬 · Answer

طيب اتحكم ازاي أو امشي بأنتظام ازاي من غير ما اقع تاني والم الدنيا ازاي