انا باذن الله هدخل تالته ثانوى السنه الجايه و انا خايفه جدا من السنه اللى فاتت وانا مرعوبه ده لانى الحمدلله بذاكر بحاول على قدر ما اقدر اسعد اهلى وانى اكون راضيه عن نفسى ومشوفش نفسى مقصره خصوصا انى الكبيره المهم انا شديده اوى على نفسى وده مخلينى اتوتر من اقل حاجه وجسمى كله بيتعب جسمى بيرعش وديما ايدى ورجلى عرقانين من التوتر مجرد ما بتيجى سيره امتحان بخاف اوى مع ان مستوايا مش وحش المهم انا مش عايزه ده يأثر عليا فثانويه عامه ومش عارفه اعمل ايه مره عملت فيها ولا فارقلى بس طلعت كاتمه كل مشاعرى وفجاه انهرت جامد فانا مش عارفه اسيطر على نفسى وسمعت ان التوتر مش حلو لثانويه عامه بس انا كل ما اشوف الدفع اللى اكبر منى بخاف خصوصا انى نادرا ما اسمع ان حد حقق حلمه خايفه احط املى على كليه كبيره محققش مجموعها ده غير ان عيله بابا بحسهم بيضغطوا عليا بما انهم اكبر منى وما شاء الله جابو مجاميع حلوه انا مش عايزه اتعب فثانويه عامه قصدى من ناحيه صحتى الجسديه كده كده كلنا بنتعب نفسيا بس انا صحتى الجسديه بتبوظ فعلا من زمان بسبب التوتر الزياده اللى عندى ده اعمل ايه عشان ابطل افكر فى كل ده

2

4