بخاف أقول لحد إني زعلانة عشان محدش هيهتم

Question

بخاف أقول لحد اني زعلانة منه عشان دايما بيبقى عندي شك ان الشخص ده مش هيهتم وهيبعد عني مهما كان علاقتنا كويسة ومتفهمين ، دايما لما يبقى عندي صحاب ببقى انا الشخص اللي بيبادر بالاعتذار والصلح حتى لو مش غلطانة وبعدي كتير وممكن اجي على نفسي وبعمل 100 حساب للحاجات اللي بتضايق الشخص اللي قدامي عشان بس محدش يزعل مني ، يمكن الشخص ده يعمل حاجات بتضايقني وهو عارف واحذر مرة واتنين ويعملها وبرده ماخدش موقف جد خوفاً من انه يبعد دايما خايفة ان الناس تسيبني يمكن عشان ده حصل من زمان اوي واني لما زعلت محدش اهتم وبحس اي حد بيخرج من حياتي بيكمل عادي وانا اللي بيفضل فيت جزء مش عارف ينسى وحتى لو اخدت موقف وبعدت عن شخص مؤذي في حياتي دايما بيكون عندي حنين للأشخاص دي ولو رجعت كلمتني مبعرفش اتجاهلها ( ملحوظة: عندي ناس كتير كويسة في حياتي وحظي في الصحاب مش وحش) بس دايما ببقى خايفة من بُعد الناس عني

Biscuit_31702 🇪🇬 · Answer

انا كمان زيك وحتي لو الشخص بيبقي غلط فيا بقعد الوم نفسي بدون سبب وبفكر كتير في مليون حاجه اعملها عشان ابسطو واخلي يغير طريقه تفكيرو فيا

Avocado_29696 🇪🇬 · Answer

دي حاجه غلط طبعا انك تعتذر حتى لو انت مش غلطان وهو دا الي هيخليهم فعلا لما تزعل ما يهتموش لانهم عارفين انك هترجع وتعتذر طبيعي انهم يعملو الحاجه الي بتزعلك لانهم متأكدين ميه في الميه انك انت الي هترجع وتمشي الموضوع

Chilli_41293 🇪🇬 · Answer

مش عارفه حقيقي ده يتغير ازاي وليه الخوف الغير المبرر من ان الناس تبعد عني ده

Chilli_41293 🇪🇬 · Answer

بقول لنفسي كده بس باجي في الموقف نفسه معرفش بيحصلي ايه ، انا مش شخصيتي ضعيفة خالص بالعكس وفيه مواقف بقف عندها بس الحاجات الصغيرة الكتير اللي ممكن اتنازل عنها عشان ارضي الطرف التاني بتخليني احس اني ضعيفة وخايفة الشخص ده يتنازل عني بسهولة

Avocado_29696 🇪🇬 · Answer

ما تتنازلش حط مع الاشخاص دول حدود لما تحس انك عايز تتاسف عض على لسانك مره في مره هتلاقي نفسك مش بتتاسف خلى عندك لاموبولاه معاهم