خايفة من المستقبل والوحدة وعاوزة اتطمن

Question

انا بنوتة عندى ٣٠ سنة دكتورة بشرية اتخطبت مرتين و محصلش نصيب الواحد خايف من الوحدة أن ميبقاش ليه سند و ضهر بالحياة و طبعا الحياة تلاهى ومحدش فاضي لحد مؤمنة أن كل أمر المؤمن خير والحمد لله ع كل حال بس ده شعور مسيطر عليا حقيقي خايفة من المستقبل وعاوزة اتطمن

Pear_63213 🇪🇬 · Accepted Answer

لسه شباب يقلبي ومتفكريش في المستقبل ونصيبك هيجيلك هيجيلك

Chocolate_58313 🇪🇬 · Answer

بصراحه سيبك من كل كلام المجتمع والأهل
ما تتجوزي الا حد انتي مقتنعه بيه
لان الاستعجال في الأمور دي بيجيب نتيجه عكسيه

ممكن اللي اقدر انصحك فيه ادي فرص أكثر للتعارف
وأخرجي في مكان بشكل دائم زي مجتمعات دعم أو قوافل طبيه أو مؤتمرات ...... وانتي ادرى اكيد

Avocado_65260 🇪🇬 · Answer

انا دكتور يلا نفتح مستشفي سوا

Pineapple_65259 🇪🇬 · Answer

بيني و بينك لو لقيتي حد تقدري تتكلمي و تتناقشي معاه يبقي احسن من انك تدوري على الحُب ، وجهه نظري  انك تفهمني أعظم بكتير من انك تحبني

Avocado_63956 🇪🇬 · Answer

لسا بدري أن شاءالله ربنا يرزقك بالزوج الصالح انا 33 سنة

Apple_65735 🇪🇬 · Answer

ده طبيعي بنسبه للي انتي عشتي انتي اتخطبتي مرتين قبل كده بقا عندك خوف من اي علاقه صدقيني كل ده هايروح بعد ما ترطبتي بس المرادي اختاري كويس

Pumpkin_63896 🇪🇬 · Answer

الناس هتبقي خايفه منك اصلا انا اسف بس سنك بمفاييس المجتمع كبر ولو اتخطبتي حتي اللي هيخطبك هيبقا شايل في نفسه حته السن ومع اول كام خناقه او مشاكل عاديه هيخلع ده اولا ثانيا لو حصل نصيب واتخطبتي تاني حاولي تكوني انثي مش دكتوره مش علي قدر المساوه معاه حسسيه ان هو الراجل وانك دايما بتسمعي الكلام لان اصلا هو هيحس بفارق اجتماعي ان مكنش دكتور زيك وثالثا والاهم ان ده نصيب وربنا شايلك نصيبك

Strawberry_65724 🇪🇬 · Answer

معلش حضرتك ملكش اى حق تحكم عليا من ورا الشاشة ولا تعرف ايه الأسباب بتاعت الفركشة فلتقل خيرا او لتصمت

Mango_59012 🇪🇬 · Answer

انا كل ما بقلق من موضوع الرزق أو بقلق في أي حاجه عموما بفتكر إن حتى الثمرة اللي أنا باكلها مكتوبالي إنها رزقي من و هي لسه بذرة و لسه بتتزرع ف بطمن إني رزقي هيجيلي هيجيلي ف معاده

Pumpkin_63896 🇪🇬 · Answer

فين الحكم؟

Strawberry_65724 🇪🇬 · Answer

انى بتعالي عليه ومفيش مساواة و بتكبر و مش بتناقش و اعند و مش بسمع الكلام مع تحفظى ع اخر جملة ويحس أو ميحسش بفارق اجتماعي ده مشكلته مش مشكلتى مع انى مش هتجوز حد أقل منى اصلا لا اجتماعيا ولا ثقافيا

Pumpkin_63896 🇪🇬 · Answer

ربنا يرزقك نصيب يرضيكي

Watermelon_63493 🇪🇬 · Answer

مهو مشكلتك انك دكتورة

Strawberry_65724 🇪🇬 · Answer

افندم ؟ 
طب وايه المشكلة ف كدة حضرتك ؟ 
هو لازم اكون جاهلة عشان اعجب يعني ؟

Watermelon_63493 🇪🇬 · Answer

مشكلة كبيرة
فيه شباب كتير وكويسين اكيد حوليكى ومعجبين بيكى وكل حاجة
بس كونك دكتورة مخوفهم منك 
لانك اكيد مش هتقبلي حد اقل من دكتور او مهندس
ودول نوادر يعنى
فالدايرة بتاعتك ضيقة جدا
عدد قليل اوى حولينا هم دكاارة ومهندسين
فطبيعي تحسي انك وحيدة
بس ماتفقديش ثقتك فى نفسك
لانك اكيد مرغوبة 
بس مواصفاتك العالية مصعباها على اى حد انه يتجرأ ويجيلك وهو اقل

Apple_65355 🇪🇬 · Answer

يسطا انت داخل تشقط واضحه فشخ يعني ..!!

Strawberry_65724 🇪🇬 · Answer

ممكن يكون عندك حق فعلا بس انا مش حاطة شرط لازم دكتور او مهندس .. كنت بقول حد مناسب فكريا وثقافيا و ماديا

Watermelon_63493 🇪🇬 · Answer

هو هيعرف منين
انا مثلا خريج تجارة لو كنت جارك وعاجباني
وهموت عليكي حتى
والله ما اعرض نفسي ولا كرامتى ان حد يقولى اسفين دكاترة بس
حتى لو انتى مش كدة
بس انا اعرف منين
حلك الوحيد هو شغلك و مايلك فى عيادة او مستشفى
او تدخلى على برامج تعارف وتوافق للزواج
ساعتها هتتكلمى مع ناس كتير بمواصفاتك اللى عاوزاها
ولو حد فيه منهم جاد وعاجبك توكلوا على الله واتجوزوا

Croissant_65112 🇪🇬 · Answer

بصي حبيبتي انا مقتنعه ان ربنا مش بيدي كل حاجه لازم يكون في حاجه ناقصه لأن ديه الدنيا عاوزاكي تستمتعي بحياتك اخرجي سافري اعملي نشاطات ارسمي صدقيني الجواز مش سهل بالعكس هو صعب بصراحه بس اخرجي في اجتماعات اتعرفي و انتي لسه صغيره و اوعي ترمي نفسك مع حد و تجوزيه ابدا اتأني و ادرسيه

Carrot_66957 🇪🇬 · Answer

قدك ف العمر استشيرك ف علاجي البسيط وبعدين نتصرف