كنت عايزه اعرف رأيكم ، أنا فى سنه مهمه جدا فى حياتى الدراسية و من وانا صغيرة كنت بتضرب و بتعامل وحش لو مجبتش الدرجات النهائية في الامتحانات و لو نقصت كتير لأى ظرف ما كانوا بيبهدلونى طريقه اقصد اهلى طبعاً ، دلوقتي أنا من فترة امتحنت امتحان لأحد المدرسين و الامتحان كان صعب جدا وامى متوقعه درجه معينه فى الامتحان وانا حتى مش واثقه من معظم الاجابات فا كان فى بنت امتحنت نفس امتحانى سألتها عن الاجابات حسيت اجابتها مقنعه عن بتاعتى و خايفه جدا البنت دى تجيب أعلى منى والله أنا بعز البنت دى جدا و هى لطيفة اوى بس مش عايزاها تكون احسن منى ابدا لان الترتيب على المجموعة هيوصل لأمى فا أنا حاسه بنوع من الغيرة من البنت دى جدا أنها ممكن تجيب أعلى منى الدرجات هتطلع الاسبوع الجاى و عليها مكافأة أنا كان نفسي فيها و لو ما اخدتش الجايزة دى هتضايق جدا و مش هروح دروس ، ممكن رأيكم لأن الموضوع دة بيخلينى مش عارفه افكر فى الحاجات المهمة اللى فى حياتى و حاسه انى هكره البنت دى مع انها ما اذتنيش

5

4