خايفة من تالتة ثانوي ومجموعي وأهلي ممكن يموتوا

Question

انا داخلة تالتة ثانوى كمان شهرين وخايفة اوى انى مش اجيب مجموع وممكن أبويا و امى يحصل لهم حاجة بجانب ان اختى فى كلية الطب وخايفة اجيب مجموع أقل منها ممكن اموت

Strawberry_15510 🇪🇬 · Accepted Answer

لازم تبقي صادقه باملك بربنا وعلاقتك بيه وبر اهلك واوعي اوعي يكون عندك شغف البدايات وتنامي فالاخر متضغطيش نفسك زاكري المعقول عشان متتعبيش من اول السنه واهتمي باللغات اللغات العربي مهم مهم مهم 
نصيحه صادقه من شخص خاطئ لاني تالته السنه دي ومراكمه اكتر من نص المنهج عايزه اقولك ندم عدم السعي والمحاوله بيوجع اوي بتمني متجربيهوش

Cherry_15502 🇪🇬 · Answer

محتاجه تنضجي شويه وده مش عيب عشان عمرها ما كانت بالمجموع ولا بكليات القمه مش للدرجادي  الثانويه مش نهاية الدنيا

Apple_15493 🇪🇬 · Answer

اقسم بالله ثانويه عامه دي هي و نتيجتها ابسط مما تتخيلي بكتير و الناس هي اللي مضخماها اوي لكن انت اعملي اللي عليكي و بس و اتاكدي ان تدابير ربنا و اختياراته احسن من اي حاجه تانيه في الدنيا انا كنت شبهك اوي وللاسف مدخلتش الكليه اللي كنت عايزاها بس لو رجع بيا الزمن و خيروني هختار اللي ربنا اخترهالي ١٠٠ مره

Watermelon_15426 🇪🇬 · Answer

خليها على الله 🩷🌚ما علينا الا السعي والنتيجه بتاعه ربنا ذاكري واجتهدي واعملي اللي عليكي اسهري وخلي السهر والمذاكرة يتعبوكي عشان تحسي بمجهودك وجع المذاكره اهون من وجع الندم عشان مترجعيش تقولي ياريتني كنت ذاكرت ياريتني كنت عملت وسويت
ذاكري عشان تمشي وسط الناس اللي راهنوا علي فشلك تمشي وسطهم رافعه راسك وترفعي راس اهلك🩷ربنا معاكي يارب وتفرحي بمجموعك وتفرحينا كلناصباح الفل معاكي من الاوائل علي ادبي😂

Strawberry_15563 🇪🇬 · Answer

لا يكلف الله نفسا إلا وسعها 
اعملى اللى عليكي وسيبي الباقى على ربنا والخير ليكي مهما حصل ومهما عملتى هيكون واللى ربنا عايزه هيحصل بس المهم تعملى اللى عليكي

Avocado_15616 🇪🇬 · Answer

انا قولت نفس جملتك دى وقولت كمان ازاى الناس اللى بتفقد احلامها دى ببتعافى بسهوله 
لحد لما جربت انا كنت ازهر وجبت فى التسعينات بس مدخلتش الكليه اللى عايزاها 
بس بقولك ايه زعلت وبعد ما زعلت
 امى زعلت اه بس الحمدلله ربنا جبر بخاطرى برغم انى كنت هموت ف السنه دى لكن لسه فى العمر بقيه انا اصلا كلية طب دى كانت بس علشان افرح امى وربنا ماردش لكن انا احلامى وطموحاتى اكبر من كلية طب

Avocado_15616 🇪🇬 · Answer

الثانويه مش نهاية العالم ممكن تدخلى الكليه ومتتبسطيش فيها 
الثانويه مش نهاية العالم حطيها دايما ف بالك