خايف تصدني بعد البعد والبلوكات

Question

انا كنت بحب واحده وكنا خلاص ع وشك الارتباط الرسمي والخطوبه بس حصل مشاكل وبعدنا عن بقالنا كذا شهر 
انا دلوقتي نفسي اسمع صوتها واطمن عليها بس مش عارف هيا هتقبل بكده ولا لا مع العلم هيا عملالي بلوكات من كل حاجه بس اقدر اكلمها من اي رقم تاني بس أنا خايف تصدني أو ترد عليا خبر خواطر

Apple_68133 🇪🇬 · Accepted Answer

هي عملتلك بلوك من كل حاجة، يعني قالتك من الآخر “مش عايزاك توصللي”… فلو كلمتها من رقم تاني، هتكون بتكسر كرامتك بإيدك .. 
اللي بيقفل الباب، بلاش تفتحه غصب، لأن حتى لو فتح، هتدخل وانت مكسور .. مش شريك
جمد قلبك، وانشف على نفسك، مش عليها ..  لأن الرجوع بعد البهدلة عمره ما بيجيب كرامة

Strawberry_67489 🇪🇬 · Answer

ارجع واخطبها تاني

Mango_68151 🇪🇬 · Answer

لا طبعا متكلمهاش هي كانت عرفاك مصلحة اتخطاها بقي وعيش حياتك ونساها عشان متندمش

Apple_67684 🇪🇬 · Answer

حاولت معاها قبل ما نبعد مكنتش موافقه بسبب الزعل وحتي بعد الزعل بفترة برضو موافقتش

Apple_67684 🇪🇬 · Answer

كلام حضرتك يحترم 
بس في حاجه اي المصلحه اللي ممكن حد يعرف التاني فيها في العلاقه يعني لما تكون انت في علاقه بقالك فترة وبتحبو بعض ومحدش بيقول للتاني انا عايز منك مصلحه سوا مديات أو غيره 
يبقي فين المصلحه 
انا بقول لحضرتك الكلام ده عشان مفهوم العلاقه بقي عند الكل ابسط حاجه يقول دي مصلحه لكن في الحقيقة احنا بنضحك علي نفسنا بالكلمه دي عشان نعرف ننسي ونعدي

Strawberry_67489 🇪🇬 · Answer

مدام قفلت الطريق دا يبقي معدتش عايزاك فسيبك منها

Apple_67684 🇪🇬 · Answer

كلامك صح وبحاول اعمل كده فعلا لدرجة اني بحاول اشغل نفسي ب اي حاجه عشان ميبقاش في وقت فراغ افكر فيها بس غصب عني بفتكر الحاجات الكويسه اللي كانت بينا وبفتكرها

Apple_67684 🇪🇬 · Answer

ماشي

Marshmallow_68174 🇪🇬 · Answer

اصبر شويه لو لك نصيب فيها هي هتفك البلوك و ساعتها شوف نفسك لو لسه علي احساسك ده كلمها

Apple_68133 🇪🇬 · Answer

شئ طبيعي يا صحبي بس، الغلط مش في الذكرى، الغلط إنك تسيبها تعيش جواك وتوقفك
اللي اختار يبعد وسابك في نص الطريق، مش من حقه يعيش في بالك لحد دلوقتي، افتح باب جديد لنفسك، مش لازم تمسح اللي فات، بس خليه في مكانه … وامشي.كل لحظة بتفتكرها، افتكر كمان إنك كنت حقيقي، وهي اللي اختارت تبعد

Mango_68151 🇪🇬 · Answer

بص انا معرفش علاقتكو كانت عاملة إزاي بس علي كلامك هي كده بايعة ونسيتك واتخلت عنك حتي لو كانت بتحبك وبتموت فيك هي خلاص اتخلت عنك ليه ترجع تكلمها تاني أنت عندك كرامه ولو هي رجعت دوس علي قلبك واوعي تجعلها أنا بقولك نصيحه اخويه وانت براحتك بس هتندم انجح في حياتك وشغلك وهي الي هتندم أنها اتخلت عنك