من وانا طفله وانا دايما شايفه امي وابويا في مشاكل ودايما بدعي ان ربنا يصلح حالهم ولو لا خلاص يبعدوا احسن بكتير من اني اشوفهم كل يوم بيتخانقوا وبتوصل لانهم يضربوا بعض قدامنا عادي وانا الكبيره في اخواتي انا مجبره اني اصلح ما بينهم (انا ١٦ سنه) لما بتخلص الخناقه بيشيلوني ذنب اي حاجه مثلا ان لو دافعت عن حد الطرف التاني بيقول عليا اني كدابه ودايما مع الظالم وكل عبر الدنيا فيا لما سألتهم انتوا ليه مع بعض لحد دلوقت في حاجه اسمها طلاق قالوا عشان خاطركوا! بس تقريبا احنا كلنا بنتمنا انهم يتطلقوا، لما بتحصل خناقه بينهم انا باخد اخواتي اوضه تانيه وبقفل الباب لحد ما يخلصوا دلوقتي انا نفسيتي متدمره تعبانه دايما قاطعه الاكل وزني بيقل، حاولت اتأقلم مع الحياه دي واتعود بس لا انا مليش ذنب انا من حقي اعيش حياه هاديه واحسن، حاولت اتفاهم معاهم اتكلم معاهم يمكن حاجه تتغير لاكن كلامهم غريب ساعات يقولوا "واحنا نعمل ايه يعني؟" "مش انتوا بيتصرف عليكوا لبس ومدارس واكل وشرب مش شايلين هم حاجه" انا حتى خايفه يبقى في قلبي حتة الكره ليهم لان مش عايزه اتحط في ان ده عقوق انا بحبهم اوي بجد ونفسي نكون احسن بس مافيش حاجه بتتغير ونفسيتي بتتعب اكتر وهما مش مهتمين مش بيسمعوني. وبدأت بدل ما اواجه اهرب اتخيل سيناريوهات بالساعات واجبر نفسي اني انام او احط سماعات عشان مش عايزه اسمع زعيقهم بقيت بفضل الوهم والخيال عن الواقع.

2

1