مرحبا اتخرجت السنادى من كلية الحقوق بتقدير جيد جدا ، منزلتش تدريب ولا كنت بنزل الكلية لانى مكناش بحبها ولا كانت طموحى .. المهم انى كنت متأملة ان حياتي تتفير بعد التخرج ، هى اتغيرت فعلا بس من سئ لأسوأ الحمدلله مفيش اى شغل متاح ولانى مقيدة باداء سنة خدمة عامة ففرصة الشغل بقت منعدمة تماما .. قدمت دبلومة والى صدمنى بعد تسجيلى فيها مصاريفها الكتيرة اوى لدرجة ان مصاريف ترم واحد بس مكلفة اكتر من مصاريف الاربع سنين ليسانس ! ولسه فاضلى 3 ترم عشان اعادل ماجستير ، السئ ف الموضوع انى مدركة تماما انها ليست الا درجة علمية مكتوبة على "شهادة". ظروف والدى مس سامحه انى اقدم ف الهيئات القضائية وانا معنديش اى مدخرات ومستحيل استلف من حد حتى لو عمى او خالى ، والمشكلة ان التقديم بيكون كل دفعه بسنة التخرج بتاعها وبعد كده مفيش فرص تانيه للتقديم فقررت اقدم ف هيئة واحدة بس بردو مازال محتاجة مبلغ كبير مش متوفر من لبس للمقابلة ومصاريف سحب ملف و مواصلات و رسوم استخراج الاوراق الازمة للتقديم ، فقررت انى مش هقدم . بس حاسه انى هندم بعدين و التفكير مش بيفارقنى في الموضوع ده وحاسه انى معنديش اى طاقه لاى شئ ، حتى الدبلومة اللى قدمتها ندمت عليها لانى مش عارفه هكمل ازاى باقى المصاريف.. انا عارفه كويس ان نسبة قبولى ف الهيئات صغيرة جدا و مش كل الناس بتتقبل بس كنت بقول ان تقديرى وترتيبي كويس، ولكن فكرة ان حتى لو عرفت اتصرف ف المصاريف وقدمت و استنيت نتيجة القبول اللى ممكن توصل لاربع سنين وف الاخر متقبلتش فكرة مرعبة! يعنى هكون وقتها صرفت مبلغ مش قليل و ضيعت وقت وفرهدة على الطريق وتعب المواصلات و مذاكرة كتير عشان اجتياز المقابلة و علقت امال كتيرة على حاجة مش ليا . مشاعرى متداخله لا عارفه اخد قرار عدم التقديم بنفس مطمئنة ولا عارفه أغامر و أجرب خصوصا لان مفيش اى دعم ليا من اى جانب وكله احباط من كل ناحية أهل و اقارب و ظروف لا يعلم بيها الا الله. أعمل ايه ؟!

9

0