دلوقتي انا جسمي كله بان عليه الزعل انا كام شهر وهكون ٢٣ حياتي كلها بايظة بس كان اقصى طموحي اكون اسره مستقره وزوج بيحبني بس مليش نصيب فالحب خالص قبل كدا عرفت شخص كان كويس جدا جدا ومحترم ووعدني انه هيتقدم عشان مبحبش اللف والدوارن والارتباط بس هو من دولة تانيه وغريب ميعرفش حاجة في البلد فالمهم قولتله ان لو عايزني يكلم والدي لاني مبحبش الارتباط والحرق في الفاضي وانه مش عايزه اخد ذنوب رده كان مرحب جداً ووعد انه هييجي وكلام ولا اروع بقى نمت وصحيت الصبح لقيت بلوك خماسي نزل على وشي بالقلم بدون اي سبب حرفياً غير اني البنت الكبيرة وانا اللي المفروض هتجوز الاول وضغط وقرف وكل ما اشوف اصحابي واخدين بعض عن حب ببقى فرحانه ليهم والله العظيم وبذكر الله وبدعي يسعدهم بس بزعل على حالي معرفش هو النصيب مجاش لسه ولا لا بس مرعوبه وحاسة اني متحبش بجد ولا هعمري هعيش حاجة زي كدا يعني حتى اللي بيجولي كلهم مش مناسبين خالص وانا اصلا مش عاوزه اللي هو يبقى حد جاي عشان عايز اي واحده وخلاص انا عايزه واحد على الاقل يكون جاي عايزني انا وحاببني انا مش في الحرام يعني لكن احس انه فعلا عشاني ولشخصي لدرجة بقيت بكره فكرة الجواز من كتر الخذلان وحظي السيء وفنفس الوقت مضغوطه بسبب امي لان احنا هنا البنت لازم تتجوز صغيره وكدا وانا بجد خايفه وحاسه هلبس في اي حد وخلاص وانا والله على نياتي دي كانت اقصى طموحي بس اعمل ايه عشان اتخلص من التفكير دا وفعلا اعرف انه الشخص الصح؟

5

9