مستغربه حالي ونفسي والي وصلتله انا من صغري وانا بحب الحركة والضحك وبتكلم كتير جدا وعندي طاقه رهيبه انما دلوقتي حياتي اتقلبت طول الوقت بعيط وزعلانه محدش مهتم لزعلي ولتعبي كان صحابي واهلي ببتنمرو عليا علشان كنت بتكلم كتير وعلي طول بضحك جابولي مشاكل نفسيه اهلي وبالذات امي محبطه دايما تقلل مني من وانا صغيره وتضربني وتزعقلي جالي تروما من الصوت العالي وبقيت حساسه زياده عن اللزوم وبعيط من اقل حاجه بقيت شايفه اني دايما سازجه وبقول كلام غريب بقيت احس اني الشخص المستفز الي جل الناس بتتجنبه كان عندي صحاب وحياه ومبسوطه دلوقتي انا لا عندي صحاب لا بكلم حد ولا حد يعرفني واهلي بيعاملوني معامله الخدامه حرفيا اغسل لبس اخواتي واغسل الأطباق مكان الاكل انضف البيت وحاجات كتير هي اصلا واجب علي الام مش عليا لما يبقي كل حاجه عليا يبقي ايه واجب الام طيب ؟ المفروض زي ما هما شايفين اني لازم اعمل كل حاجه طب فين حقي انا بتعامل كده من صغري بتجبر انضف واعمل كل حاجه وياريت الطلب يبقي طلب حلو لا ده بالزعيق والصوت العالي وبيبقي أمر كأني شغاله عندهم الفرق بيني وبين الشغاله أنها بتاخد فلوس وبيكلموها بطريقه حلوه بتحاسب علي كل حاجه مليش حق اعيط لو ضحكت يزعقولي امي مديه لأخواتي الولاد الحق فالتحكم فيا والسيطره وأنهم من حقهم ياخدو فوني فأي لحظه ممنوع عني السوشيال ميديا كلها الانستا بتاعي مقفول والفيس الباسورد مع امي والواتساب مفتوح علي فون اخويا الكبير ودايما تخلي بابا يزعقلي دايما انا محط اهانه وقله احترام مليش حق اعترض ولا اتكلم تعبت جداً بشغل وانا ضهري بيتكسر ولو اتكلمت يزعقولي مفكرني بتدلع انا عندي مشاكل فرجلي من ونا صغيره وكنت بتعالج ومن فتره كنت بلعب ووقعت علي رجلي ف بتوجعني جداً لحد دلوقتى من5 سنين ولسا بتوجعني واتعودت مقدرش اقول اني تعبانه ولو اتشجعت واتكلمت هيكون الرد من كتر النوم أو خدي مسكن وخلاص مبقاش عندي شخصيه مبعرفش اتكلم بقيت بتهته فالكلام دايما متوتره وشعري بقي بيقع وشكلي بقي غريب فقدت وزن كتير بقيت عضم حرفيا ولا باكل ولا حاجه عايشه علي المايه والشاي تعبت من المعامله اشتكيت كتير ومفيش فايده محدش اهتم فكروني بأڨور بس انا اتدمرت اوي

9

10