بتعلق بالناس بسرعة وأتعبت.. عايزة حل!

Question

طيب انا محتاجه الناس تقولي دلوقتي اعمل ايه في موضوع ان انا بتعلق بالناس بسرعه و بذات لو من الجنس الاخر "راجل يعني " لو لو انا علاقتي باهلي و بابايه زي الفل ايه السبب او مش عابزه السبب انا عايزه حل عشان فعلا انا بقيت بكره الحوار ده و فعلا ساعات بحس ان بجد هو انا ليه كده وتعبت اوي في ان انا بحاول محبهمش ولا اتعلق بيهم بس لما حد بيكلمني ونفضل نتكلم فتره ببدا اتعلق و الشخص اللي قدامي عادي بنسباله فممكن يحس ان انا غريبه اوي او مدلوقه او الكلام ده كله بس انا فعلا نفسي لما اجي اتكلم مع حد محسش بالشعور ان انا محتاجه الشخص ده يفضل عشان الموضوع ده مُتعب اوي

Coffee_85190 🇪🇬 · Accepted Answer

في الاغلب الشعور ده بتحسيه ناحيه حد لان انتي بتبقي محتاجه تحس بكده ده خطا في التربيه وانتي صغيره بس عموما انتي من جواكي بتحسي انك متعلقه بس الحقيقه ان ده انبهار علي اعجاب باللي قدامك وانك ليك رغبه فيه او تفضل معاه بس مش تعلق مطلق زي ما انتي بتقولي لان لو اتعلقتي بحد هيبقي صعب جدا انك تتعلقي بحد تاني بس انتي قولتي انك بتتعلقي باي حد عشان كده ده مش تعلق ده انبها واحساس باحتياج للطرف التاني

Chocolate_72660 🇪🇬 · Answer

ابحثي عن نظرية التعلق علم النفس

Banana_66333 🇪🇬 · Answer

حاولي توظفي شعورك دا لناس قريبين منك زي اخواتك أو ابوكي عمك وتعرفي تتحكمي في حدود المشاعر

Chocolate_72660 🇪🇬 · Answer

+
في الأغلب بيكون له جذور في الطفوله

Coffee_61063 🇪🇬 · Answer

ممكن نتواصل خاص

Pineapple_60860 🇪🇬 · Answer

والله ياريت لو لقيتي حل تقوليلي علشان انا كمان شبهك بالظبط في الموضوع ده التعلق صعب اوي ومش بعرف اتخطي

Blueberry_52260 🇪🇬 · Answer

حضرتك ممكن تكتب هنا

Banana_83859 🇪🇬 · Answer

تعالي اقولك اي السبب

French Fries_73190 🇴🇲 · Answer

ممكن تكوني جواكي احساس انك مش جميله وده ممكن يكون عكس الواقع تماما 
والاهل مش معودينك يتكلموا معاكي او يقولولك كلام حلو 
يعني اه علاقتك حلوه معاهم عاديه يعني روتينيه 
وانتي كل صحابك مرتبطين ووبيحكولك هما بيعملوا ايه مع الطرف التاني 
وانتي من جواكي نفسك ده يحصل معاكي 
الموضوع ده بيزيد من سن ١٥ ل ١٩ سنه عند البنت 
وبيبدأ يقل بعد كده
احتياجات طبيعيه ولكن العقل والدين من يحكمها

Avocado_26405 🇪🇬 · Answer

انتى اكيد فى مرحلة المراهقة أو الشباب 
فممكن اللى بيحصل هى انك بتبوصى حواليكى وتقولى " يا ترى مين اللي هحبه أو نصيبى " مجرد فضول يجذبك للكل أو احتياج عاطفى 
الحل : 
غض البصر وبلاش مسلسلات رومانسية واعملى كل يوم حاجات بتحبيها وتعبر عن حبك واهتمامك بنفسك واشغلى وقتك بحاجة مفيدة والأهم اتكلمى مع ربنا وادعى ومثلا قولى "اللهم لا تعلق قلبى إلا بك" لإن الانسان لما بيتعلق بأى حاجة فى الدنيا بيتعب

Avocado_26405 🇪🇬 · Answer

التعلق بالله وحده هيغنيكى كتير وكمان افتكرى إنك لازم تعيشى الحاضر لان كده كده إن شاء الله النصيب مكتوب فمتشغليش بالك و عيشى حياتك  معاكى الوقتى يعنى اهتمى بنفسك واتطورى عشان تكونى افضل نسخة منك 
ولو عندك صحبة صالحة هيساعدوكى بردو 
وفى الاخر اللى بتحسى بيه من انجذاب طبيعى بس اللى يزيد عن حده يقلب ضده 
أتمنالك الخير وربنا يوفقك

Watermelon_57983 🇪🇬 · Answer

انتي كدة انثي بجد لأن الانثي طبيعي يبقي مشاعرها تكون ضعيفة فطرتها كدة ..
بس الفكرة أن انتي مهمتك بقي تحافظي علي قلبك وعلي نفسك ازاي بقي ..
انك لما ترتبطي بحد لازم تاخدي وقتك كويس في اتخاذ القرار و تتاكدي أن الشخص ده يستاهلك 
ولازم حد من أهلك يكون قعد معاه بردو واتأكد من ده
ولازم تحددي مواصفات اللي انتي متقدريش تتعايشي معاها .ولما تقعدي مع شخص جديد تعرفي هي موجودة فيه ولا لا ..وتقرري بسهولة ترفضي

Ice Cream_82622 🇪🇬 · Answer

انتي بتتعملي بالفطرة وعشان قلبك طيب اهم حاجه اختاري ناس صح ناس تفهمك وتقدر ده فيكي ربنا يريح قلبك ويسعدك ويرزقك الزوج الصالح عاجلا غير اجلا 🌹🌹

Jackfruit_81975 🇪🇬 · Answer

السبب الرئيسى فى كل إلى انتى فيه انك لوحدك و انك محتاجه للى يكون جنبك ومعاكى ويتابع معاكى يومك ويسمعك عشان تخرجى كل الدوشه والزحمه إلى فى دماغك إلى مخلياكى تايهه ومش عارفه تخدى اى قرار

Strawberry_85337 🇪🇬 · Answer

بصي لازم تعرفي الاول ان دا شعور طبيعي دي مشاعر متقدريش تتحكمي فيها 
بس مينفعش اي شخص نتعلق بيه للدرجه 
انت متهيقلي لازم تجبري نفسك في الاول يعني تعملي بلوك لكل الولاد الي عندك متخليش حد يدخولك خالص و لما تحسي بمشاعر تجاه حد برضو بو دخلك اعمل بلوك و بال تعوض هتتعوضي ان مفيش حد في حياتك 
لاكن انك تتحكمي في مشعرك دي صعب دي مش هنقدر نتحكم فيها