هحكيلكو حكايتي هي طويله شويه بس معلش اقروها 💗💗 انا اتجوزت من شهرين الشخص اللي حبني وحبيته والخطوبه كانت خمس شهور او ااقل تقريباً المهم أنا كنت عارفه جوزي من قبل الخطوبه هو من محافظة غير محافظتي اتعرفنا على بعض من السوشيال وكانت لحظه ضعف مننا اننا نتكلم لان لا أنا ولا هو مقتنعين ب الارتباط وكده ومكناش بنتكلم كتير غير كل فين وفين والصراحة أنا كنت بدات اعجب بيه حتى لما حسيت ب كده واني هضعف بقيت اقفل التلفون أو اشغل نفسي عشان مكلمهوش وانا اصلا ثانويه عامه متستغربش😶 المهم مره بعتلى قالي أنه عايز يتجوزني وانه بيتكلم جد يعني ف أنا طنشته وماخدش كلامه جد يعني بعد كده مره تانيه أنا كنت فاتحه الانستجرام وعملت نوت ب اللوكيشن بتاعي بالغلط ووقتها الكارت اللي كنت شحناه خلص وقولت عادي يعني مش هيضر في حاجه وصدفه وقتها انه كان في المحافظة اللي أنا عايشه فيها وشاف النوت وجه المكان اللي أنا فيه واتكلمنا وقالي أنه عايز يتجوزني بجد ومش بيلعب ولو كان عايز يلعب ويتسلي كان دخل قالي انا بحبك وبتاع وكنا اتكلمنا المهم يعني أنا قولتله صعب لان أنا اصلا بخاف من فكرة الجواز واهلى صعبين اوي وحوار انه في محافظة غير بتاعتي دي قالي مش مهم لو عايزين انك تعيشي جنبهم مش مهم ف قولتله أنا عادي مش فارقه معايا لو اتجوزنا هروح معاك عادي بس خايفه من اهلى وكده قالي خلاص انا هشتري شقه هنا وهنقعد فيها لحد ما تخلصي امتحانات ف أنا قولتله شقه ايه واخلص امتحانات ايه قالي ما أنا عايز اتجوزك دلوقتي مش هستني لما تروحي مني لان أنا في كذا حد اتقدملي وبتاع واهلى بيبقو مصرين اني اقعد معاهم وانا اوقات كنت بروح احكيله يعني ف المهم قالي أنه هيقول لاهله بعد كده هيجي يقعد مع بابا وكده وجه فعلاً و وافقوا عليه طبعاً بس لييه عشان الفلوس اهلى كل همهم اني اتجوز واحد معاه فلوس وهو واهله ماشاء الله معاهم فلوس يعني المهم هو قال لبابا أنه عايز يعمل خطوبه وكتب كتاب مع بعض ف بابا رفض ف هو قاله انه مستعجل عشان عايز يسافر وهو بيجهز ورقه وعشان يعمل ورقي معاه يعني ف بابا وافق بعد كده وقعدنا فترة الخطوبه مع بعض كانت جميله اوي والحمد لله عملنا ب ضوابط الخطوبه وكل حاجه بس مامته واخته معاملتهم ليا مكنتش احسن حاجه لما عرفو انه عايز نتجوز بسرعه وتسافر والاكتر اننا قررنا اننا مش هنعمل فرح وهيبقي كتب كتاب في قاعه صغيره على البحر وهنعزم صحابنا واهلنا وخلاص يعني الناس اللي متاكدين انهم هيفرحو لينا يعني ف الحمد لله كل حاجه عدت على خير واتجوزنا وسافرنا كمان المهم مامته واخته من وقت ما سافرنا مرنوش عليا كلموني ولا حتى يسلمو عليا مع انهم عارفين اني تعبانه من وقت الفرح وانا تعبانه ومحدش منهم عبرني خالص وانا خايفه منهم بجد حتى ليلة دخلتنا اول ما وصلنا الشقه بتاعتنا هما كانو ماجرين الشقه اللي تحتنا كام يوم وهيرجعو تاني ف احنا بعد كتب الكتاب اخدتني وروحنا قعدنا في نفس المكان اللي شوفنا بعض فيه اول مره لما روحنا سمعو صوتنا واحنا طالعين ف طلعو وبصولى بقرق كده ومتكلموش وقتها نفسي صعبت عليا اوي وكنت كاتمه العياط ب العافيه ومش فاهمه ليه بيعاملوني كده مع اني معملتش حاجه وحشه فيهم ولا اذيتهم بنت عمه كانت قايلالي انهم كانو بيبوظوله اي خطوبه عشان عايزينه يفضل معاهم ومحدش يشاركهم فيه بس اكيد مش هيحصل يعني وهي قالتلي هو بيحبك لأن عمره ما حارب أمه واخته كده عشان واحده الاول لما كان بيلقيهم كده كان بيسمع كلامهم ويسكت أما المرادي بتقولى أنا شوفته انسان تاني وباين اوي حبه ليا المهم يعني ياجماعه أنا مبسوطه اوي اوي ومعلش أنا طولت عليكو أنا اسفه 💗 وياريت لو في بنت متجوزه تبعتلي عايزه اسألها عن حاجه

4

0