مدرسة محتارة بين سماع طلبتها أو وضع حدود

Question

انا مُدرسة والحمدلله في بعض الطلبة سواء بنات او اولاد مقربين مني وبيحبوني يمكن عشان انا لسه صغيرة وزي اختهم الكبيرة مهما زعقتلهم عشان المذاكرة بردو بهزر واضحك واسمعهم 
اقرب طلبة ليا بتوع اعدادي لاني بدرسلهم ف مدرسة مشتركة بنين وبنات
دلوقتي بقا لو جه حد منهم وحب يتكلم ف مشاكل خاصة سواء ف الدراسة او ليها علاقة بالبيت لان عندي طلاب مثلا اهلهم منفصلين وساعات بحس بضيقة وانهم زعلانين 
هل اسمعهم واحسسهم دايما ان متاح يتكلموا معايا وقت مايحبوا ويفضفضوا
ولا احط حدود بينا؟

Jackfruit_74741 🇪🇬 · Accepted Answer

صاحبيهم وخلى دائما فى ثقة متبادلة بينكم واحترام اللى حيعمل ده الحدود اللى حتحطيها بينكم وصدقينى ربنا حيجازيكى خير على النصيحة اللى حتقدميها ليهم

Ice Cream_75554 🇪🇬 · Answer

اسمعهم و انصحيهم و حطي حدود برضه بينكم 
لان الافراط ف شئ بيتقلب الموضوع ضده 
فا اديهم مساحتهم فالكلام و اسمعهم و قدملهم المساعده و النصيحه بس بدون ما حد يتخطي حدوده معاكي

Banana_69853 🇪🇬 · Answer

لا حدود يا استاذه 
اسمع مني هيحصل تجاوزات من الطلبه و هتجيبي لنفسك دوشه جامده

Carrot_74945 🇪🇬 · Answer

حطي حدود الاول في الكلام او الهزار بس اسمعيهم يمكن يشفوقكي امل في الخياه ويمكن يحبو الحياه وتلتعليم بسببك

Mango_74635 🇪🇬 · Answer

لو بنت اسمعي منها لو ولد لأ

Coffee_75508 🇪🇬 · Answer

طبطبي عليهم بالكلام مش اكتر وخليهم في مود افضل بدون دخول في تفاصيل وخلي فيه حدود في المعامله

French Fries_65480 🇪🇬 · Answer

ده جميل بس مش دايما يعني حطي شوية حدود بسيطه خالص زي مثلا ان مش كل الوقت انتي فاضية و كده عشان بردو متستهلكيش نفسك لكن في المجمل بجد حاجه كويسة جدا

Tofu_56529 🇪🇬 · Answer

ليه تحطي حدود اصلا،، خليكي قريبه منهم دايما مش مجرد مدرسه وبس

Banana_71275 🇪🇬 · Answer

لو بنات عادي لاكن بلاش ولاد عشان ميحصلش تعلق لان ده سن مراهقه

Apple_75487 🇪🇬 · Answer

حلو انك عايزه تساعدي غيرك بس لازم يكون في حد معين الناس وحشه وتفكير الناس بقي مريض إلا من رحم ربي