موضوع:

اكتر حد حزين انك فقدته ؟

كنت بحب عمي جدا وبجد من وانا صغننة وانا من كتر حبي فيه كنت اضايق أن هو مش ابويا وكنت اتمنى أن يكون ابويا مع أن علاقتنا مش كانت نشوف بعض كتير وكدة هي زيارات كل فين وفين المناسبات وكدة وكنت اليوم الي بروح فيه بكون سعيدة جدا مع أن حتى مش في حد قدي كنت العب معاه مثلا عشان احب اروح هناك لا انا كنت بحب اروح عشان اشوفو المهم 2019 اختي كانت تالتة ثانوي وهو كلمها في الفون وانا كنت جنبها وكان بيقولها ركزي وكدة يعني كان بيشجعها وقالها تجيبي مجموع كويس هجيبلك عربية المهم ان انا كنت وقفة حملها وسلمت عليه وكان نفسي اوي اروح اسلم عليه وكدة بعديها بفترة كنت بيتة عند بنت خالتي ومش عرفة اي الي فتح موضوع القرايب وانا قعدت احكي اني قد اي بحبو وبجد قعدت يمكن اكتر من ساعتين بكلم عنو خلصنا القاعدة ونمت صحوني قالولي عمك مات انا هنا كنت في صدمة ازاي قومت لبست الشبشب وهروح وهما يمسكوني استني وانا مصرة هنزل يعني هنزل وابعدو عني المهم ان هما ودوني على بيت جدتي عشان اختي كانت هناك ووالدتي كانت جاية روحت كنت منهارة ع الآخر لقيت اختي نيمة صحيتها قولتلها الحقي عمو مات وكنت منهارة كنت في ستة ابتدائى ف مرضوش ياخدوني اشوفو لاخر مرة وكنت مضايقة جدا سنة 2020 كنا بقالنا كتير مش بنروح عند جدتي عشان خاطر الكورونا وكدة واخواتي كان عندهم كورونا ف كنا منعزلين حتى العيد مش روحنا وانا كنت مطبقة حاجات العيد حتى الكمامة كنت شيلاها عشان لما اروح عند جدتي كل حاجة تكون جاهزة قاعدة انا واخواتي الاتنين بتهزر ونضحك وبنحط ميكب اخويا جيه قال الكمامات خلصت هاتي الي معاكي قولتلو لا انا هنزل بيها قالي فين انتي قاعدة في البيت قولتلو لا ان شاء الله هنروح عند تيتا قريب وفعلا مش رضيت ادهالو بعديها بشوية كنا عمالين نقول تيتا وحشتنا اوي وكدة خالتي رنت ع فون اختي بس كانت نيمة ف اختي قامت ردت عليها وبتضحك قالتلها هاتي امك راحت امي قالت الو اديتها خير بوفاة تيتا امي لقيناها اتخضت خوفت قالت امي حبيبتي مش مجمعين لسة امي ماتت اترعبنا امي كلمت والدي امي لبست اي حاجة ونزلت ومش استنتنا حتى احنا لبسنا عمالة أقول لنفسي مقلب عشان نروح وكدة وعمالة اطمن نفسي ركبنا التاكسي سرع عرف الموضوع قعد يهدينا وانا لسة عمالة أقول مقلب خبطنا ع الباب بن خالتي بيخبط راسو في الحيط ببص ادامي لقيت ملاية بيضة متغطية بيها اخويا منهار كلو بيعيط دة حقيقي مش مقلب انهارت شيلت من على وشها الملاية تيتا مغمضة عنيها وشها ساقع اوي مبتتحركش قعدت اعيط اول مرة اشوف كفن وحد ميت ادامي اصلا لا وحد عزيز عليا جدا وانا عمتا بخاف من الحاجات دي لاول مرة محسش ب احساس الخوف دة قعدت جنبها ومسكت ايديها ونمت جنبها وانا منهارة كان عندي امل أنها تمسك ايدي زي ما انا مسكاها بس محصلش قعدنا لحد الصبح اتغسلت دخلت بوستها اخر بوسة في رأسها روحنا عشان نصلي عليهاكنا مستنين النعش عشان نصلي وكدة مرة واحدة ادامي رجالة العيلة شيلينو بيجرو بيه ولا اكنو فاضي صلينا دخلت جوا العربية راحت اتدفنت وسابتنا جالي رعب وخوف من اي حد بحبو حواليا بقيت اعدي من اوضة والدتي لو شوفتها نيمة اروح اتاكد أنها بتتنفس اي حد مش بيرود عليا بيجيلي بانك اتاك واترعب ممكن يكون حصل. حاجة مش كويسة بقيت اخاف واترعب ربنا يرحمهم يارب

1

9