كنت بحب شخص اكتر من حياتي حرفيا كان كل دنيتي هو قريبي ومن سني وانا حاليا 16سنه الكلام ده من سنه كنا ف الاول اصدقاء وكنا تقريبا يومنا كله مع بعض كنا بنروح دروس سوا وكل حاجه بنعملها لحد ما ف يوم قالي انه بيحبني وبصراحه كنت مبسوطه لاني كنت ببدله نفس الشعور بس كنت خايفه اعترفله بحبي لاني اصلا مكنتش عاوزه ارتبط علشان بخاف من الارتباط بخاف من وجع القلب اللي بيحصل نتيجه الارتباط ده وكنت معرفه اني مش عاوزه نرتبط علشان خايفه وقولتله خلينا نتكلم صحاب احسن وهو كان رافض بس بعد اصرار مني وافق وبعدها حاول يقنعني نرتبط وقعد يحاول معايا حوالي شهر وحتي اقنع اخواتي البنات يقنعوني و وفقت ارتبطنا وطبعا زي اي بدايات كنت في غاية السعادة حرفيا كنا مش بنام علشان نتكلم كنا نعمل كل حاجه سوا كنا نستنا مواعيد الدروس بفارغ الصبر علشان نشوف بعض كان يطلب نتقابل كنت ارفض وبعدين مرت الايام لحد ما حسيت نفسي حرفيا مقدرش اعيش من غيره وعدني انه هيفضل معايا ومش هيسبني كان بيعاملني كويس ف الاول وبعدين بقا قاسي علي بقا يتعصب ومش بيحكيلي حاجه كان بيتعامل معايا ببرود بطل يروح درس بطل يطلب يشوفني كان ف الاول ميسبنيش انام زعلانه بس بعدين كان عادي يسبني انا زعلانه وممكن يحصل خناقه علي اتفهه الاسباب ويسبني من غير ما نتكلم عادي بقيت اطلب انا اشوفه وهو يرفض بقا قاسي بيتعصب بحسه بيأذيني بكلامه بالقصد وعنده استعداد يقعد اسبوع منتكلمش مره طلب نقعد اسبوع منتكلمش بحجه انه عنده مشاكل وميقدرش يقولها وبعدين صحبتي قالتله اني بعيط ويومها صالحني وبعدين طلب من اسبوع اتخنقنا وإن يوم عيدميلادي تقريباو قالي مش عايزك وسبيني وكل حاجه بينا خلصت وبعدين قالي عندي مشكله وميقدرش يقولها ليا وبعدين قالي مستعد اخسرك علشان المشكله بالرغم من انها مالهاش علاقه بيا وبعدين انا دلوقتي حرفيا منهاره وحاولت اكلمه طول الاسبوع ده وهو حتي مش عايز يسمع كلامي بس انا موجوعه اوي بقلل من نفسي واحاول معاه علشان قلبي وجعني وبموت من القهره علي نفسي وانه يبعني بسهولة كدا ومن غير سبب واخر حاجه قولتله مالهوش دعوه بيا ويعملي بلوك رفض قولتله حط الشات بتاعي ارشيف ومتدخلوش ورايح نفسك وانا هتكلم ف الشات براحتي وامبارح كنت حرفيا هموت واشوفه وقلبي وجعني اوي طلبت منه وارجيته اشوفه هو رفض ومهتمش لعياطي وصوتي و وجعي وكان عياطي علي نفسي وقهرتي وجعني اوي وبجد انتا تعبت من كل حاجه ومنهاره مش عارفه اعيش بس اعمل ايه بجد تعبت ياريت اموت والله

7

0