ذكريات حب طفولتي وازاي عرفت إنها مش مشاعر حقيقيه

Biscuit_31702 🇪🇬

منذ 11 شهرًا

شعور فخور

موضوع:

لسا فاكرين حب الطفوله البريئ 😂💗 ؟؟

يااااا انا كل ما بشوفه دلوقتي بقول انا ازي كنت بحب دا وحرب الحب الي عملناها انا وصحابي حجات ولله محفوره في الذاكره متتحكيش بس كانت احلي ايام هو اه كان بلير شويه يقول انه بيحبني وشويه يحب صحبتي بس انا كنت بحبو😂 دلوقتي لاء الحمد لله عرفت ان دي كانت مشاعر طفوله وعرفت كمان ان الأرتباط والكلام دا كلو فاضي بقيت ماشيه في حاجه الحمد لله

ذكريات طفوله مع حب فصل رابع وانا هبله 💔

وانا صغيره حبيت واحد في فصلي تقريبا كان صف رابع المهم كنت منقوله جديد الفصل ده عشان كنت مسافره بره مصر و لفت انتباهي عشان كان حلو الصارحه بس انا كنت شخص انطوائي جدا بسبب اختلاف التعامل مع زمايلي بسبب لهجتي المختلفه و اني انولد في بلد غير البلد فا كنت معجبه بيه وللاسف كنت بعمل حاجات تافهه اوي لما كان يشتريلي حلويات كنت اخدها واقعد ابص فيها زي الهبله والله انت كيوت ومعرفش اي ذكريات عايزه الحرق اما دلوقتي عادي بتف بوشه وبمشي🙂🙂💔 ...عرض المزيد

9 الدعم

1 نصيحة

حب طفولتي وعلاقات فاشله بسبب الثقه المعدومه

هحكي كل حاجه انا حبيت واحد وانا صغيره المهم واحده صحبتي اخدته مني انتوا فاهمين دخلت فصدمه وقت كبير وبعدين حبيت واحد تاني من الاخر بقااا دا ال كان واخدني عشان شكلي بس كان دا كل همه وسابني من فتره ومن ساعتها انا بحاول اجمع هو انا ما اتحبش للعلم انا كان قدامي اني اكلم غيره وعمري موفقت عشان حبيته والغباء ال انا فيه اني لسه عايشه علي امل أنه بيحبني لأ ومستنياه نفسي افهم هو انا لي بعمل ف نفسي كدا الشخص ال حبيته ف الاول ال هو حب الطفوله دا كان دايما يعدم ثقتي ف نفسي ويقولي انتي كذا وكذا وكذا علي الرغم من أني احلي منه بكتير اوي مش غرور والله بس بحاول أوضح الوضع شويه وصلت لدرجه اني لو شوفت واحد فيهم بزعل علي نفسي اوي وبضل العياط ب الايام وبقول هو انا لي حصلي كل دا لي مدخلتش فعلاقه كويسه كملت معايا لي دايما بتساب رغم اني عمر مكنت انسانه وحشه والقريبين مني عارفين دا ...عرض المزيد

5 الدعم

3 نصيحة

شعوري تناقض ووحده.. جلد ذات ولا إيه؟

إخترت شعور عشان كان لازم اختاره يا إما رسالتي مش هتتبعت لكني بصراحه مش عارفه شعوري إيه من كل إللي ظهرلي بس كل إللي حساه الوحده مع إني بحبها أنا طول عمري وحيده في ركن لوحدي بحبها بس بكرهها يمكن شعوري هو التناقض ؟؟ مش عارفه بردو لكن كل إللي حساه إني لابسه هد فون وصوتها عاااااليييي أوي صوت أفكاري .... "إنتِ وحيده" لأ مش وحيده عندي صحاب كلهم بيقولوا عليا شخصيه كويسه "لأ وحيده وعمر ماحد هيحبك عايزه الدليل كل إللي حواليكي بيحبوا ويتحبوا إلا إنتِ" ، "ومين هيحبك اصلا بشكلك دا " الشكل مش كل حاجه أنا اصلا مش عايزه حد يحبني ولا احب حد انا عايزه افضل كده ذي مانا " ماهو إتريق عليكي قبل كده " ، "إنتِ عبيطه وذاذجه " ختي بالك من الورد الاحمر إللي جابو حبيب هبه صحبتك ليها بيحبها لدرجه إنه وصلها الورد جوا سكن الجامعه دي مش حاجه سهله لكنه عملها فضل يحبها كتير لحد ما وصلها محدش هيعمل كده عشانك عشان إنتي ماتستحقيش دا " مش عايزه ربنا يسعدها معاه "وكمان ورده شوفتها هي بتحكي عن إبن عمها وحب طفولتها وإللي هيكون خَاطبها إنتِ كمان كان عندك حُب طفوله ذيها بس الفرق بينك وبينها إنه حبها إنما إنتِ حبتيه مع نفسك لحد ما كبرتوا وبعدها اهوه نسيكي يا غبيه دا كان مجرد بيلعب معاكي واهو دلوقتي خاطب ومبسوط وإنتِ قاعده تتفرجي من بعيد حاولي بقي تنسي الأيام إللي تخيلتيها معاه ، واهو دلوقتي أديكي بتحولي تنسيه عملتي إيه تعرفي ناس كل إللي هي بتعمله تستغلك لحل مشاكلها بيمثلوا عليكي الحب يا عبيطه ، إنت ِ فكرتهم بيحبوكي؟؟ تبقي عبيطه وهبله كمان ارهنك إنهم نسيوكي اصلا دلوقتي عشان لقوا غيرك خلاص" "والروايه إللي فضلتتي تتخيليها كل يوم لحد ما بدأتي تكتبيها كلها عنه وعنك محتطيش فيها ليه إنه هيشوف غيرك ليه ايقنتي إنه هيحبك ليه مافكرتيش إن في غيرك ؟؟ "عرفتي إنك ولا حاجه متستحقيش أي حاجه حتي حلمك والكليه إللي تعبتي عشان تخوشيها وتعبك ربنا عمل فيكي إيه دخلك واحده اقل بكتير منها ومن تعبك ودخلها لأخوكي اللعبي إللي ميعرفش اي حاجه فيها " مش مهم أكيد في خير ليا بعدين وهو ربنا يوفقوا "إنتِ نحس وملكيش اي شئ في الدنيا دي لا حب ولا تقدير ولا إحترام ولا احلام ولا شئ هتعيشي وتموتي وحيده" يمكن شعوري هو جلد الذات ؟؟ يمكن.. ومع إني وسط الناس لكني صوت السماعه عالي لدرجه تخنق أنا وحيده حتي وأنا وسط الناس هي حاجه انا بحبها إتعلمت اقرأ شفايف الناس فيها من غير ماسمع اصوتهم لكن مش عجباني يمكن شعوري هو إنعدام الشغف لأي حاجه في الدنيا حتي لو كانت روايه بكتبها؟؟ بردو يمكن يمكن أفكاري عندها حق وأنا إللي بجادل فيها وخلاص ؟؟؟ ...عرض المزيد

5 الدعم

0 نصيحة