يمكن القصه متهمش حد وممكن محدش يستفيد منها بحاجه بس انا قررت احكيها باختصار شديد جداا فى شخصية فى حياتى قابلتها وقعدت معاه ٦ شهور والموضوع كان داخل فى الجد جداا وبيتكلم فى الجواز والخطوبة وبيرتب كل حاجه وانا لاول مره كنت بقف قدامه واقول اشمعنى المره دى انا مش حاسة بأى حاجه يمكن عشان فضولى هو اللى خلانى اكمل معاه عشان اشوف شخصية توكسيك فريدة من نوعها بجد ومظنش انه هيعدى عليا شخصيه تانيه زيها وكنت مركزة اوى فى ردود افعاله وتعابير وشه وشكله ونظرات عينيه كان انسان ضعيف اوى مستخبي ورا بدله ميرى لو اتسحبت منه فى يوم من الأيام هيصبح بجد بلا قيمه بيدوس ع الناس بلا استثناء اهله سابوه وهو صغير واستغنو عنه وسابوه لجده رباه وهو قرر ينتقم من كل الناس مش بس من أهله بقا هو اللى يسيب انما ميتسابش كان فاكر ان كل حاجه هتمشى ديما بمزاجه لحد ما قابلنى واستهون بيا وقرر يعمل زى ما بيعمل مع كل البنات اللى بيعرفهم بس هو لحد دلوقتى مكتشفش انى كنت بتسلى زيي زيه بالظبط زى ما فضوله كان ناحيتى شخصيه غريبة مقابلهاش قبل كدا ومعدتش عليه وانا نفس الكلام كان له علاقات مع ستات وشرب وكل حاجه حرام ممكن تتعمل كان بيعملها عاادى بس اول معرفنى وصارحنى قالى انه اتغير عشان قرف من نفسه بس انا مصدقتش لان عمر ما حد هيتعود يعمل كل الكلام دا لاكتر من ١٥ سنه هيعرف يبطل بكل بساطه كدا وكان بيحكيلى ويعيط الطريف فى الموضوع ان كان بيحكيلى اسرار فى شغله وهو بيعيط بالدموع وانا بقوله اخر ما حكى وهدى قولتله انت مش خايف انى اتكلم او احكى حاجه قالى هو انتى فاكره انك لو عملتى كدا احنا هنسيبك .. وفى اخر القصة حاول يقلب منى فلوس بحجه انه محتاجها لمحامى وفلوسه خلصت وانه اتسجن وقصه كبيره اوى وعبيطه كدا متدخلش على عيل صغير ولما فقد الأمل فجأة اختفى وكان فاكر انى هجرى وراه وانهااار ما طبيعى بقا كان فاكر انه علقنى فى ال ٦ شهور وفى النهاية بتيجى فى بالى حتة من فيلم اكس لارج لما دنيا سمير غانم قالت لاحمد حلمى انت مجرد حاالة هو فعلا كان حالة بدرسها .. اه ونسيت اقولكو ان رقمه طلعوFack واكاونتاته وحياته تقريبا مستخبي ورا شخصيه مخترعها ع العموم هى القصة لسا مخلصتش هو بس حطنى ع الرف شوية على ميخلص مع الضحيه الجديدة وهيرجع تانى السؤال يمكن اللى بيدور فى بالى أحيانا هو بيتسائل انا اختفيت ليه ؟ الاجابه انا عرفاها بس حابه اسمع تحليلكو الاول

0

5