حاسه اني خسرت كل حاجه وقلبي مكسور - ليه؟

Question

حاسه اني بني ادم خسر كل حاجه ف حياته وقلبه مكسور وبتوجع من جواه منغير صوت بعدت عن اول حب ف حياتي علشان كان بيأذيني وصاحبتي اللي اقرب حد ليا واهم حد ف حياتي اللي لما كنت بقولها حاجه ممكن متصدقنيش غير لما احلف بحياتها علشان عارفه اني عمري ما هكدب وانا بحلف بيها مع اني اصلا مبكدبش بس علشان هي ممكن تحلف بالله كدب بردو خسرتها وبعدنا وبقينا اغراب بعد ما كنا اقرب اتنين لبعض دراستي مدمره بقالها كام سنه معنديش أصحاب والا عندي حد اتكلم معاه حاسه اني بطولي ف الدنيا حاسه بالخذلان حتي صحتي خذلتني وكل يوم بعلق محاليل جوايا سؤال واحد بس ملوش اجابه أنا ايه بيحصل معايا كده ليه علشان يحصل ف حياتي لحظة فرح واحده لازم ادفع تمنها ف حاجه غاليه ع قلبي لازم ادفع تمنها وجع وكسر وقهره لييه

Jackfruit_51332 🇺🇸 · Accepted Answer

مش معني انك بطلتي تتعاملي معاهم بقي خسرتيهم لو هما بيحبوكي كانو هيكونو معاكي مكانوش هيكدبو عليكي وحسسوكي بحجات مش حقيقيه ممكن تكوني مريتي بحجات كتير مؤزيه ولسا بتكري بيها بس بجد متحسبياش كدا احسبيها انك مش شبههم مش زيهم انك احسن منهم مش معني انهم خرجو من حياتك انك متتخطيش كل دا

Cherry_50471 🇪🇬 · Answer

حياتي في بوست

Coffee_47120 🇪🇬 · Answer

اول شخص دخل حياته انا فعلا حسيت معاه مشاعر حقيقيه بس كنت بحس دايما اني مش متشافه ومش مهم انا حاسه بايه أو انا نفسي ف ايه أو حتي بمر بايه مكنش بيقف جنبي ومعرفش انا حبيته ازاي فجاه حسيت حاجه ناحيته وصاحبتي علشان موقف صغير باعت 3/4 سنين بسهوله كنت بحس اصلا انها مستكتراهم عليا بقيت احس ان انا حد وحش وميستاهلش بتحب والا أن حد يفضل معاه

Coffee_47120 🇪🇬 · Answer

ممكن لو ف وقت تاني كان ممكن احاول اهون شويه بس الحوار صعب وانت اللي واصف الاحساس وغرقان فيه

Cherry_50471 🇪🇬 · Answer

انا تخطيت كل دا، انا بس بوصف حياتي، ممكن بزعل لما بفتكر بس اقصد انو مش لسة مصدومة او بفكر، لما بفتكر بس
عموما حلها انك مترضيش بأقل من اللي تستحقي لا في صداقة ولا في حب

Jackfruit_51332 🇺🇸 · Answer

لا خالص انتي مش حد وحش زي ما انتي شايفه ممكن من كتر المواققالي حصلت حسستك بدا بس انتي اكيد شخص كويس بس الفكره هنا ندي لنفسنا فرصه اننا نحب حد شبهنا ويكون بيخاف علينا بجد

Coffee_47120 🇪🇬 · Answer

انا مش عارفه اتخطي كل ده ولا عارفه ابطل تفكير مش قادره اصدق حياتي اصلا بتخيل نفسي ببص ع حياتي من بعيد واشوف هلاقي ايه بشوف ساعتها مكان ضلمه مليان خراب وبس مفهوش نور خفيف حتي أو حاجه تحليه

Coffee_47120 🇪🇬 · Answer

انا شخص انطوائي جدااااا مش من السهل أن حد يدخل حياته اصلا