تايه ومش عارف اذاكر ازاي - محتاج مساعده بجد

Question

حاسس اني تايه الفتره دي و محتاج اذاكر و حتي دي تايه فيها و مش عارف اعمل حاجه و حتي الفون مش عايز امسكه، كل ما اذاكر اقول انا كدا خلاص شاطر هنجح الاقي انا حتي موصلتش ل 1٪  اتمني لو حد يقدر يقولي نصايح و غير الجدول اليومي لاني حرفيا مش عارف اكتبه عشان ابدا حاجه بجد

Tofu_28797 🇪🇬 · Accepted Answer

بص مش لازم تبدأ ب كتير بس حاول تقعد فترات صغيرة و تقسم ل اجزاء حتي لو هتركز ف اسبوع ع مادة واحدة حاول و متكسلش ولا تستهتر ب محاولتك بالعكس هتفيدك و هتفرق معاك واحدة واحدة بس متستعجلش ع نفسك

Watermelon_28759 🇪🇬 · Answer

عوامل فشل الجدول هي كتابة أهداف تعجيزية .. رتب أفكارك يعني مثلا الاسبوع دة لازم اخلص كذا في الماث وكذا في العربي وباقي المواد .. وقسمها على مدار الاسبوع .. أهداف منطقية .. يعني مثلا انهاردة اذاكر رياضة وانجلش ولو فاض وقت اذاكر فرينش او الماني .. ومع كل أسبوع تحقق فيه الخارجية بتاعك كافئ فيه نفسك بحاجة بتحبها ومش شرط تكون كبيرة .. مثلا مكافأتك يبقى فيلم حلو او جيم وفعلا هتنجز

Strawberry_25987 🇪🇬 · Answer

انت محتاج ترتب اي المواد اللي ضايع فيها اكتر ف تبدّا بيها مثلا متكترش ع نفسك خالص عشان تقدر متعملش مواد كتير ف نفس اليوم اصحي بدري الوقت الصبح حلو جدا ف المذاكرة الموضوع هيحتاج منك محاولة كذا مرة بس هتعود ان شاء الله  وخلي مع انك تلم مواد تذاكر اللي بتاخذه ل الدروس برضو ومتتوترش من جروبات الدفعة والمذاكرة والاسئلة اللي ناس بتحلها انت مش عارف تحلها عادي جدا مفيهاش حاجة لسه في وقت بس متضيعش اكتر

Toast_28843 🇪🇬 · Answer

الفكره انا كدا كدا بصحي بدري عشان المدرسه و بسبب المدرسه مش عارف ارتب حوار اذاكر برجع انام و اصحي امسك الفون و اقعد اقول هذاكر ولا بذاكر ولا بعمل حاجه

Carrot_28713 🇪🇬 · Answer

اقولك فكرة حلوة اوي 
فكك من فكرة ورايا حاجات كتييير وتايه والكلام ده 
اهدى خالص 
انت دلوقتي معاك النهاردة شوف تقدر تعمل ايه النهاردة بس 
نفس الكلام بكره ركز في اليوم بس حط لنفسك حاجتين تلاته صغيرين عشان ترجع ثقتك في نفسك وتحس انك قادر تنجز 
من الاخر ركز في حدود اليوم بس وبكده مش هتكتئب

Carrot_28713 🇪🇬 · Answer

لان احنا لما بنفكر في الموضوع كا كل بنكتئب جداً وبنحس ان مستحيل الحق وانا تايه وفاشل وكده 
والموضوع مش كده ومش مستاهل اهدى خالص 
واحده واحده انا معايا النهاردة بس مش مهم امبارح اللي ضاع ولا بكره اللي جاي دلوقتي بس اللي معايا النهاردة بس وكل يوم عيد نفس الموضوع

Strawberry_25987 🇪🇬 · Answer

المدرسة لو نايم كويس قبلها اقنع نفسك ان دا كفايه عشان تقدر تفوق دا اولاً ثانيا الفون دا اكتر حاجة بتضيع وقت حاول تسيبه ولما تخلص مذاكرة اللي وراك او اللي انت محدده ابقي امسك الفون ساعة او كدا قبل النوم لو انت اقل من ٣ ثانوي ف أنا شايفه ان الفون يبقي مع حد من الأهل احسن ف وقت المذاكرة عشان تضطر تذاكر

Toast_28843 🇪🇬 · Answer

الفكره اني مراكم جزء في حاجات مبدأتش فيها دروس و حاجات ذاكرتها و عارفها بس لسه ما ثبتتش  حاولت اعمل حوار المكافأة ده و نفسي انفذه بس اني اخذ خطوه لسه مش عارف

Toast_28843 🇪🇬 · Answer

تانيه ثانوي ف بجهز نفسي ل تالته من دلوقتي عشان اقدر اذاكر و الدنيا تبقي سلسله