حاسس ان كل حاجه حواليا ملخبطه مفيش حاجه عارف اعملها زي ما انا عايز العمر بيجري مني وانا مش عارف احقق اي حاجه حاسس ان شبابي بيترمي في الزبالة وناس تانيه عايشه حياتها عادي ( الحمدلله طبعا علي كل حاجه واكيد ربنا مقسم الأرزاق ) بس الواحد من جزاه تعبان ومخنوق وهو شايف سنين حياته بتعدي من غير ما يتقدم خطوه رغم أنه بيحاول بدل المره عشره بس مفيش حاجه بتظبط معاه زهقت وتعبت واليأس كل شويه بيزيد جوايا بقيت حاسس اني عايش عشان ده المفروض عليا اني افضل عايش لغاية ما ربنا ياخدني مبقتش فاهم انا عايش ليه كل الناس تقول اصل الانسان له رساله طب انا ايه رسالتي انا ايه فايدتي حاسس اني مليش لازمه في الحياة عموما وجودي زي عدمه مفرقتش كتير حتي في حياة الناس اللي حواليا ويمكن في ناس تضايقت من وجودي كمان ف اللي هو مش كفايه اني مأضفتش للي حواليا لا وكمان زعلتهم مني أنا حقيقي مش عارف اعمل ايه انا مخنوق اووووي بقيت نقضي حياتي شغل وبس حتي مفيش حد بيعبرني ولا بيكلمني انا مليش حد في الدنيا انا حاسس اني هموت لوحدي 💔

4

0