حابة أفضفض أوي.. صديقة الطفولة فسخت وخطبت وأنا معرفش عنها حاجة وبتفرج على الصور زيي زي الناس الغُرب. هي أكبر مني بسنتين ،كانت أنتمتي ،وعلاقتنا خلصت من ناحيتها مش من ناحيتي ،قدمت كتير في العلاقة دي أو ساعات من كتر التفكير بحس ان ممكن مكنش قدمت حاجة ... بس كنت دايماً آخر كام سنة حاسة وجودي تقيل ،كنا بقينا في مدنتين مختلفين بس فضلنا نتواصل ولما بعرف أروح لها بروح أزورها ونحكي كل حاجة لبعض ونتفق على حاجات كتير من الحاجات دي اني قولتلها بتمنى أشوف اليوم اللي تبقي فيه عروسة وألبسك الفستان بنفسي . آخر رسالة ما بينا كان في عيد ميلادها بعد لما عاتبتني من خمس سنين قبل كدة اني مش بنزلها حاجة(مع انها مكنتش بتنزلي) المهم في آخر كلامها قالتلي ربنا ميحرمني من حبك ليا ...حسيت وقتها ان فعلاً أنا اللي بحبها ومعتبراها انتمتي وهي لأ ..حصل منها مواقف كتير متدُلش على الصحوبية مش قادرة أحكيها كلها هنا ،أنا برسم ولما بنزل رسمي يتعلق عليه غير كدة مفيش أي تعليق ولا اهتمام كأنها شايفاني فنانة زيها زي أي حد بيحبني لرسمي... قلبي موجوع من لما شوفت الصور ،عاتبتني قبل كدة من ٥ سنين ونزلتلي استوري ودي كانت أول مرة تعاتب حد كان عتاب اني باعدة بس كنت باعدة بسببها ،الخمس سنين دول عدوا كأنهم سنة يا جماعة والله . من وقتها والله وانا بحاول احافظ ع العلاقة دي بس مكنتش بلاقي نفس الاهتمام. كان كلامها معايا بحالات كدة ،مش عارفة أكمل كتابة ،كل حاجة كانت بتحصل اتجمعت في دماغي دلوقتي خنقتني،عاوزة حاجة غريبة أوي ،إن حد يبعتلي كأنه هي وكأنها بتخرجني من حياتها بشكل نهائي (عاوزة كلام تجريح يخليني أنساها وأقفل الموضوع ومعتش أفكر فيها )...حد يعمل كدة يا جماعة بجد...

6

0