جالي عريس مناسب بس مش هيقدر ييجي لرؤية شرعية

Question

جالي عريس 
سنه مناسب
شغال في الكويت
تعليمه مناسب
لكنه
مش هيقدر ييجي لرؤيه شرعيه ولا خطوبه هييجي على كتب كتاب
مش عنده شقه فهيتجوز في شقه ايجار
باباه متوفي وهو اكبر اخواته عنده 4 اخوات بنات متجوزين ووالدته موجوده
قدامه بالكتير سنه عشان يبقى جاهز يتجوز
محتاجه رايكم 😑

Pistachio_56152 🇪🇬 · Accepted Answer

واحد مش قادر يجي يقابلك ويتعرف عليكي هيبقي فاضيلك بعد الجواز ... ده لو مغصوب علي الجوازه هيبقي زوق عن كده وقوليلو مش لازم ينزل كتب الكتاب ممكن يعمل توكيل لحد علشان متعطليهوش

Coffee_57984 🇴🇲 · Answer

شوفيه بيعامل اهلوا ازاي بيبرهم بيخاف عليهم لو بيعمل كده هيبقي كويس معاكي  بخيل علي نفسوا  او علي اهلوا لازم تكلميه كتير و تعرفي كل تفاصيل حياتوا  ربنا يقدملك الي فيه الخير

Banana_57280 🇪🇬 · Answer

تصلي استخارة ده اساسي
+حاولي تفهمي اكتر عن حياتكم هتبقى عاملة ازاي بعد الجواز وعلاقته ايه باهله
وربنا يقدملك اللي فيه الخير

Durian_58442 🇪🇬 · Answer

لأ طبعا! 
يعني انتي هتتجوزي حد مش عارفه طريقه تفكيره ولا بيتحرك ازاي ولا نوع حياته ازاي؟ 
هي شغال ف الكويت 
بقت ميزات الزوج الكويس؟
لو مش هيقدر ييجي يشوفك
يبقي دي غلطته مش غلطتك ..هو مش بيشتري انثي 
هو المفروض بيتجوز!

Banana_57181 🇪🇬 · Answer

بيقول ظروف شغله كده

Banana_57181 🇪🇬 · Answer

اهله بيتكلمو على انه شخص مسؤول جدا من بعد وفاه والده لكنه مش هنا عشان يحصل اكشن كتير فاعرف كل ده

Strawberry_58478 🇺🇸 · Answer

بُصي، الجواز من غير رؤية شرعية ولا حتى مقابلة أو مكالمة محترمة مش طبيعي، حتى لو هو كويس ومتعلم وشغله حلو. لازم تشوفيه وتتواصلي معاه قبل أي خطوة، عشان تفهمي شخصيته وتطمني. سنة من غير ما تشوفيه وتدخلي جواز على طول فيها مجازفة كبيرة، عشان تبقي مرتاحة. الجواز مش ورقة، ده عمر.

Banana_57181 🇪🇬 · Answer

كلامهم انه هيكون مستقل ولو حبيت اسافر معاه عادي وكده

Banana_57181 🇪🇬 · Answer

شغلاني جدا البوينت دي فعلا

Coffee_57984 🇴🇲 · Answer

كلميه كتير الصبح قبل ااشغل و بليل و علي الواتس اب دي هتبقي حياتك يا بنت الناس يا جحيم يا زي بقيت الناس يوم حلو و يوم وحش

Pistachio_56152 🇪🇬 · Answer

انتي مستوعبه الي قولتو؟؟؟؟؟ امال بعد الجواز هيبقي عامل ازاي ؟؟؟

Banana_57181 🇪🇬 · Answer

مانا محتاره هل حد اتجوز بالطريقه دي وماحسش بإزمه وعادي

Banana_57280 🇪🇬 · Answer

كلامه هو ايه ؟
وايه رؤيته للموضوع.
حتى لو هو في الكويت فيقدر يكلمك على النت عادي.
في google meet, zoom
ده زمان كان فيه برنامج اسمه سكاي بي
فلازم تتكلمي معاه هو شخصيا وتشوفي شخصيته وفيه قبول ولا لا

Banana_57181 🇪🇬 · Answer

هو اكيد لو احنا وافقنا علي الطريقه دي هيكون مكالمات كتير وفيديو وكده

Strawberry_58478 🇺🇸 · Answer

خلاص شوفى وفتره الخطوبه بكون تعارف ومنها هاتشوفى شخصيته وربنا يقدمك إلى فيه الخير

Coffee_57984 🇴🇲 · Answer

هوا مش طبيعي تتجوزي بالطريقه دي هوا لو شغال ف شركه يقدر ينزل  شهر اجازه كل سنه الخليج كلوا كده ، ولو شغال اعمال حره يقدر ينزل ف اي وقت

Banana_57181 🇪🇬 · Answer

اكيد هنتكلم قبل اي شئ رسمي بس انا مش مستوعبه فكرة اني هرتبط بحد من غير ما اشوفه فيس تو فيس لكن بيقولو ناس كتير بيتجوزو كده

Banana_57181 🇪🇬 · Answer

فكرة ارتبط بحد بالطريقه دي قلقاني فبسأل لو حد مر بكده؟

Durian_58442 🇪🇬 · Answer

ارجوكي فكري تاني
فيه حاجات متقدريش تعريفها غير بعد ما تشوفيه اكتر من مره وتفهمي بجد ان حد يتجوز وخلاص كدا اكنه بيشتري حاجه
بالنسبه ليا فيه تقليل من شأنك
الا لو انتي موافقه ان علاقتكم هتبقي منفعه .. وسطحيه وهشه

Banana_57280 🇪🇬 · Answer

في ناس كتير فعلا اتجوزوا كدا وحياتهم مشيت تمام. 
بس هو اهم حاجة يكون انسان كويس ويعرف ربنا ويبقى في توافق وقبول

Hazelnut_52786 🇪🇬 · Answer

أولا أنا قريت تعليقك علي كل الاشخاص
وكل ردودك أنا خايفه . أنا مش عارفه اعمل ايه . في حد اتجوز كده . 
سؤال بس افرضي حد اتجوز كده وفشل هاتعملي ايه . وافرضي حد اتجوز كده ونجح هاتعملي ايه . كل واحد ليه حياتو وليه مستجدات اللي بتحصل ليه وحيات الناس مختلفه كلها عن بعض . نصيحتي خدي قرارك بنفسك 
مش عيب يكون مسافر ومش عندو وقت حتي يشوفك بسبب الشغل . حيات المغترب بره بلدو بتبقي صعبه جدا . افهمي شغلو وقررى

Chilli_58119 🇪🇬 · Answer

شغال ف الكويت وقدامه سنه احيههه اومال اللي ف مصر قدامهم قد ربع قرن كدا🙂

Durian_58442 🇪🇬 · Answer

100%

Banana_57181 🇪🇬 · Answer

التجربه بتفرق،  فلو حد مر بنفس التجربه هيساعدني،  كتير بيقولو عادي بس انا مش عارفه ، ماهو مهما كان فيس تو فيس بتفرق عن حوار المكالمات ده ومش معقول بعد مانرتبط اول ما اشوفه اقول ماعجبنيش او يمكن انا كمان على الحقيقه ماعجبوش اكيد في 100 سؤال في دماغي بس للاسف ظروف الشباب اغلبها كده مغترب وعايز يكسب وقته ولو ماسك في شغلانه ولا حاجه مش هياخد خطوه ينزل عشان اشوفه وممكن ارفضه لا هو اسهله يشوف غيري،

Banana_57181 🇪🇬 · Answer

يا جماعه انا بحاول اكون واقعيه ونفسي في حد مر بنفس للتجربه بس،  انا جاتلي فرص كويسه وكنت برفض لنفس السبب لدرجة اني اقتنعت ان ده الواقع وظروف الشباب كده عشان تلاقي حد متعلم محترم متدين عارف يفتح بيت لازم يكون فيه حاجه ومع ظروف الشباب الصعبه ده الوضع دلوقتي مغترب وفي عرض نص جنبه وكل دقيقه من وقته عشان يلحق وقته ويجهز نفسه،  بس في نفس الوقت في مية سؤال في دماغي يعني هرتبط بواحد ماشوفتهوش علي الحقيقه!

Biscuit_26457 🇦🇪 · Answer

حاولي لو ينفع اتكلمي معاه فيديو كول كتير شوفي حياته عمله ازي المتغربين مش ديما مبيعرفوش ينزله عشان مشغولين ساعات بيكون عشان فيه اجازات معينه ومش مسموح ينزله غير فيها فكلميه وشوفي هو كويسه او لا وهترتحي او لا واعملي استخاره