ثانوية عامة ومحتارة بين علوم ورياضة - خايفة من المستقبل!

Question

يا جماعه انا ثانوية عامه و عدى اول تلت شهور لحد دلوقتي و انا لسه محددتش أنا هدخل علوم و لا رياضة و نفسيتي تعبت من كتر الضغط اللي عليا من ناحية الموضوع ده مش قادرة أقرر و كلام الناس مأثر فيا اوي انا بعشق الرياضة بس خايفة مبقاش قدها و في نفس الوقت اهي بيقولولي لو ربنا كرمني و جبت هندسة مش هلاقي شغل و أنها بتاعت ولاد بس و كده و انا في نفس الوقت بكره الاحياء جدا حاولت اديها فرصة الشهرين اللي فاتوا بس انا بجد قاعده متضايقة و انا بذاكر و صليت استخاره بدل المره الف و محستش بحاجه بردو اعمل ايه الوقت بيضيع مني و مش لاقيه حل خالص خايفة اندم اكتر شعور أنا حاسه بيه دلوقتي الخوف خايفة من المستقبل من كل حاجه خايفة اجيب مجموع وحش و يلقوا عليا اللوم

Mango_27135 🇪🇬 · Accepted Answer

بصي نصيحه اسمعي كلام نفسك انتي شوفي بتحبي ايه وا خشي ال بتحبيه خليكي في علمي رياضه مجلها أوسع وا افضل من علمي علوم وا ادبي ربنا كرمك جبني هندسه خير هندسه فيها مجلات كتير مش حاجه واحده او الاحسن خشي حسبات وا معلومات ديت احسن من هندسه الوقتي وا ال فيه الخير ربنا هيقدمه المهم مش تخشي كليه انتي مس حباها

Tomato_30792 🇪🇬 · Answer

بس فكك من كلام اهلك طلما بتحبي حاجه عرفري عشان توصللها اوعي تاخدي بكلام حد اثقي في نفسك

Pineapple_30607 🇪🇬 · Answer

صلي علي النبي واهدي بصي شوفي الحاجة اللي انتي عايزاها وافتكري دايما ان ربنا هيوفقك متقلقيش من حاجة بصي انا بلنسبالي الرياضة خاينة فاهماني وصعبة وضغط وكدا بس ملكيش دعوة بحد شوفي انتي نفسك عايزة اي

Banana_33461 🇪🇬 · Answer

شوفي بتعرفي تحلي اكتر في اي بترتاحي اكتر في مذاكرة اي احياء ولا رياضة وعندك كليات كتير حلوة سواء علوم سواء رياضة اختاري اللي انت بتميلي ليه اكتر

Marshmallow_29286 🇪🇬 · Answer

صلي استخاره واختاري علطول الي انتي شايفه نفسك فيه، الاستخاره بتخليكي لما تختاري حاجه تلاقي يا الابواب اتفتحتلك يا اتقفلت في وشك يبقى مش خير ليكي، لكن مش بتحسي بحاجه يعني ولا بيجيلك وحي مثلا لا خالص، وعامة النتيجه دي بتاعت ربنا، طالما بتذاكري وبتجتهدي وبتعملي الي عليكي متقلقيش محدش يقدر يلومك انتي بتختاري الي بتحبيه والنتيجه دي مش بإيدك

Mushroom_33450 🇪🇬 · Answer

أنا مترددة جدا زهقت من دماغي شوية عايزة حاجه وشوية عايزة حاجه

Watermelon_28759 🇪🇬 · Answer

انتي توكلي على الله وادخلي اللي بتحبيه .. والشغل دة رزق بتاع ربنا .. مفيش حاجة اسمها بتاعة ولاد انتي اثبتي نفسك وبإذن الله تنجحي في مجالك .
 لو دخلتي علمي علوم هتندمي لأنك مش بتحبي الاحياء .. بما انك صليتي استخارة اختاري علمي رياضة ولو دي مش الخير ليكي هتلاقيها مش متيسرة بس متعتمديش على كلام الناس واختاري اللي انتي بتحبيه