انت بتستمر في تحسين نسختك الحالية وتطويرها وتعليمها وتهذيبها ومعالجتها مع، مع بكررها تالت - مع - تقبل وضعها دلوقتي يعني تخط في دماغك انك بتحاول لمجرد المحاولة ولتحقيق أهدافك ولأسباب أخرى خاصة بيك مش بتحاول وانت كاره وناقم عاللي عايشه تمام ؟ بتتقبل وبتحسن من نفسك مش بتحسن وبتقلل وبتجلد ذاتك وبصراحة قاعدة رقم واحد مش هتعرف تتحسن أصلا بدون ما توافق وتصالح وتسلم باللي انت عليه دلوقتي وباللي كنته من قبل كده كمان ودي مش دعوة لعدم التحسين، بالعكس لازم تاخد الخطوة عشان ربنا يوفقك وتتحسن لأن : ﴿إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ﴾ [الرعد:11] في فرق كبير ما بين الرضا بالحال مادام لا يغضب الله، والسعي لتحسين الباقي. وبين السخط على الأمور الدنيوية، والنظر لما في أيد الغير بحسد أو بطمع خليك فاكر دايما الآيه دي : ﴿وَلَا تَمُدَّنَّ عَيْنَيْكَ إِلَىٰ مَا مَتَّعْنَا بِهِ أَزْوَاجًا مِّنْهُمْ زَهْرَةَ الْحَيَاةِ الدُّنْيَا لِنَفْتِنَهُمْ فِيهِ ۚ وَرِزْقُ رَبِّكَ خَيْرٌ وَأَبْقَىٰ﴾ اسعى للتطوير، والتحسين لكن مع شكر لنعمة ربنا واستشعار ليها🤎 لقيت دي في لينكدين و حبيت اشاركها 🫶🏻🥹

3

0