شخصيتي اتغيرت ومش عارفة أتخطى خيبة الأمل

Q: أنا مش نفسي.. الحياة خدت مننا أجمل ما فينا

أنا ما بقيتش نفس الشخص بتاع زمان، ولا نفس الشخص اللي كان من سنتين تلاته ولا حتى نفس الشخص اللي من أسبوع حتى .. الواحد بيتغير بطريقة سريعة وغريبة جدًا .. المواقف بتغير، الهموم بتغير، الوجع بيغير، فعشان كدا مُستحيل تلاقي شخص لسه زي ما هو بنفس روحه بتاعت زمان .. حرفيًا الحياة خدت مننا أجمل ما فينا وبقينا عايشين بشوية بقايا.

Q: مش عارف اتعافي بعد ما حبيبتي سابتني واتجوزت حد تاني

انا بقيت شخص تاني اتغيرت بقيت اعمل كل حاجة وحشة وحرام مش عارف ارجع اتوب انا مكنتش كدا هي من وقت ماحبيبتي سابتني واتجوزت حد تاني وانا اتدمرت مش عارف اتعافي ودلوقتي بكلم واحدة وبرضو مش عارف ابعد عنها رغم اني لسة بحب حبيبتي وهي عارفة كدا بس مش عارفين نبعد احنا الاتنين طالعين من علاقة وحشة ومش عارفين نبعد عن بعض ومش عارف اتعافي ولا ارجع شخص كويس تاني

Tofu_51955 🇪🇬

منذ يوم واحد

شعور Confused

أنا شخصيتي إتغيرت في فتره صغيرة أوي حرفيًا بقيت واحده تانية كنت دايمًا آجي على نفسي علشان مزعلش حد بس دلوقتي مش فارق معايا وكمان عندي إحساس إني مش عايزه أخرج من الأوضة ولا عايزه أشوف حد ومش بنزل دروس نزلت قبل كدا إني إتخذلت من أقرب صاحبة ليا وفضلت سنتين مش عارفه أتخطى سمعت بنصيحة حد هنا وإتعرفت على واحده تانيه بقالي 7 شهور عارفاها وقربت مني أوي بس دلوقتي أنا شايفاها زي الأولى في كل حاجه تصرفاتها وكلامها وإختياراته دايمًا بتقول إنها مش فارق معاها حد بتسيبني لدماغي كتير وأنا واحده عندها Overthinging بس أنا تفكيري أعمق من تفكيرها شوية فبقول ممكن عادي هي متقصدش بس كان في حد كاتب إن دايمًا إحساس القلب بيكون صح وأنا مقتنعه بكدا وقلبي بيقولي إبعدي عنها علشان هتعمل معايا زي إللي قبلها أنا آه بقول مش فارق معايا بس مش عايزه أبعد علشان إتعودت عليها وبحبها.