تعبت من مشاكلي مع الأكل وبكره شكل جسمي

Question

انا تخنت في سنة ١٠ كيلو وتعبت من مشاكلي مع الاكل جاتلي فترة كنت برجع كل حاجة باكلها أو بحرم نفسي بس ساعتها تعبت ورحت لدكتور كتب على فاتح شهية ومن ساعتها وانا باكل وبس فرحانة أو زعلانة باكل وكتير حتى لو مش حاسة بحاجة الاكل الكتير بقا عادة عندي وانا عمري ما كنت كدا أنا كنت رشيقة طول عمري مش عارفه ايه حصل فجأة تعبت من كرهي لشكل جسمي حاولت اتقبل معرفتش نفسي ارجع لجسمي القديم من سنة بالضبط أو كام شهر 
انا بحب الاكل وبكره نفسي او بمعنى اصح بحس بالذنب لما اكل فنفس الوقت مش هعرف اتخلى عن العادة دي 
ممكن يبان أنه حاجة تافهة بس دي حاجة مضايقاني جدا أنا لسه صغيرة ومش عايزة سنين دي تضيع في كدا

Strawberry_73611 🇪🇬 · Accepted Answer

دي كلها عوامل نفسيه مع خلل في الهرمونات
وعلشان تتغلبي علي الاكل ده خدي حجات تملي المعده من الصيدليه زي بران او من العطارين زي قشور السيليوم وتخمر وتشربي مايه كتير معاها علشان متسدش الامعاء
وزودي بروتينات هتسيطر علي شهيتك
من جواكي اتاكدي  انها فتره وهتعدي وقولي لنفسك ان كل دي هتبقي ذكريات تضحكي عليها وتذكرك انك قويه وقدرتي تعدي الفتره الصعبه دي ، انتي تقدري بس حاولي💪

Chilli_64343 🇪🇬 · Answer

واحده واحده علي نفسك اهم حاجه العامل النفسي الاول يتظبط وبعدين كل حاجه سهله ابعتيلي هبعتلك نظام كويس إن شاء الله خير مناسب ليكي ومفيش مانع لو تديه لاي حد عادي المهم دعوه حلوه بس

Banana_68504 🇪🇬 · Answer

الحل الوحديد انك تاكلي كميه قليلة يعني ممكن تفطري ع الساعه 2 الظهر تأكلي حاجه خفيفه وتيجي بليل تأكلي كمية خفيفه تلقاي كدا هاتخسي لاني المعده بتتعود ع كمية الاكل

Ice Cream_72258 🇪🇬 · Answer

اشربي كوبايتين ميه قبل الأكل بتاعك مباشر و صدقيني هيفرق معاكي و يا ريت لو مشروب سخن بعديها و تقليلي شويه بالكل و مشروب زي شاي أخضر او جنزبيل

Toast_52293 🇪🇬 · Answer

شكرا جدا جدا 🙏🏼

Strawberry_73611 🇪🇬 · Answer

كلنا عدينا بفترات زي دي مرحله عاديه انتي مش لوحدك ، ادعي ربنا يعينك وخدي بالاسباب وهتقدري

Potato_66678 🇪🇬 · Answer

emotional eating

Toast_52293 🇪🇬 · Answer

ik