تعبت من علاقتي مع ولد اونلاين ومش عايزه أتكلم تاني

Question

انا مش بكلم ولاد ومش بعرف اتعامل معاهم عشان اهلي وكدا ف من تلت سنين كان عندي 14 سنه اتعرفت على واحد اونلاين اكبر بتلت سنين وكان اول مرا اتعامل مع ولد بجد ياعني بس هو من محافظه وانا من محافظه تانيه ف هو كان شايفني صحبتو واقل كمان بس انا عشان اول مرا اتعامل مع ولد حبيتو واتعلقت بية فترة كبيره اول ما اتعرفنا كان بيكلمني كل شويه بس بعد فترة كلامو اقل وبقيت احس ان انا الي بتكلم دايما وببدأ كلام وكنت بكرة كدا ف كنت بحاول اقلل كلام شويه شويه وفعلا كنت بقعد بالشهر والاتنين مكلمهوش وهو مكنش بيسأل ولو اتكلمنا صدفه يقول مش بسأل وكدا ولحد دلوقتي احنا عند بعض وقعد فاول السنادي قررت اني متكلمش معاه وقعد 7 شهور مكلمهوش وهو مسألش برضو ولما جه عيد ميلادو بعتلو وهو رد عليا حلو اوي مش زي العادي وقعد يفتح كلام بس برضو بحس انو مش عايز يتكلم ف انا تعبت منو وزهقت وحسي اني مش عايزه اتكلم معاه تاني بجد وامحيه من حياتي مش عارفه اعمل اي مع اني ف التلت سنين دول مكنتش عايزه اعرف حد او اتعرف على حد جديد خالص ولحد دلوقتي مش عايزه دا

Watermelon_37364 🇪🇬 · Accepted Answer

ريحي دماغك منه احسنلك

Chilli_40446 🇪🇬 · Answer

عادي والله كويس انك متعلقتيش بيه اكتر من كده هو الخسران يابا

Coffee_40141 🇪🇬 · Answer

مشاعرك متلغبطة عشان هي اول مره بس دي مشاعر fake انتي عشان اول مرة تكلمي حد وهوا بيتعامل عادي معندهوش اي مشاعر نحيتك ف من الاخر فكك من الحوار الحب والارتباط ده عشان هيعقدك واستني نصيبك

Corn_40481 🇶🇦 · Answer

أنا مقتنعة نسبيا بأن العلاقات بأنواعها موجودة عشان تساعد الناس تستحمل الحياة ومشاكلها وتغير جو معاها، فلما يكون الشخص الي بتتعاملي معاه بيزيد الموضوع عليكي، أو حتى مش مهتم بيكي بالشكل ده وأنتي مش عجباكي العلاقة ولا الوضع الي هي فيه دلوقتي، أحسن حاجة فالحالة دي لو انتي عاوزة تكملي الصداقة دي فاديه فرصه وابعتيله اشرحيله مشاعرك عن علاقتكم، وهنا هتعرفي تكملي معاه ولا لا، هو يستاهل ولا لا⬇️

Corn_40481 🇶🇦 · Answer

بأنك تشوفي ردة فعله، اذا اهتم بكلامك ومشاعرك وكان عاوز يحسن الوضع هو كمان فاديه فرصة، لو استهان بمشاعرك ومكنش عاوز يبذل حهد فالصداقة دي زيك فعلى طول بلوك لان الحياة مش ناقصة نعافر على ناس متستاهلش، خليكي مع حد مرتحاله وبتتكلمو دايما ومعايكي فالحلو والوحش، بينما حد مش معاكي خالص كده ولا انتي معاه فسيبكم من بعض لو مش هيتغير الوضع، وبالتوفيق

Strawberry_39625 🇪🇬 · Answer

انا حاولت كتير اني اقولو اني مش بحب طريقتو البارده وردودو دي وقعدت اتكلم كتير منتكلمش تاني بس كان كل مرا بيستهزء بالحوار ويقلبو هزار عشان ابعد الفكره من دماغي

Corn_40481 🇶🇦 · Answer

ده بالذات كده معناها اقطعيها معاه ومن غير تفكير حتى، عاوزة تقولي قبلها ولا متقوليش المهم متكمليش مع حد بيقلل من مشاعرك ابدا، بلوك وخلاص الواحد مش ناقصه وهو مش احسن من غيره اصلا

Strawberry_39625 🇪🇬 · Answer

انا كدا كدا بحاول اقطع معاه وبلكتو من حته واحده بس انا مش حسه اني سهل اعمل كدا بس بحاول

Strawberry_39625 🇪🇬 · Answer

+ عشان خايفه ارجع ف كلامي ف مش حسه ان سهل اعملها اصل هرجع اقولو اي ياعني بعد ما بلوكتو كدا كدا مش فارقه معاه

Corn_40481 🇶🇦 · Answer

اعملي بلوك من كل حته وامسحي الشات وكل حاجة عنه ووالله ميستاهل، خليكي مع صحاب كويسة مش بيستهينو بمشاعرك وبيفهموكي، محدش هيفهمك بشكل كامل بس عالاقل بيحاولو مش زي ده مش مهتم خالص، متجريش وراه كنسليه وخلاص