انا عندي واحدة صحبتي شكائة بكائة وصحاب بقالنا سنتين او اكتر ودايماً انصحها يا بنتي بصي للجانب الإيجابي طب استمتعي بالوقت حاولي تعملي حاجة بتحبيها كل مميه حل... تقولي انا مشكلتي مالهاش حل تعبت اتخنقت قرفت انا حياتي متدمرة انا ماعنديش حاجة بحبها انا معنديش هدف مفيش حاجة شاطرة فيها... مع انها شاطرة في حاجات كتير وتعرف تعمل حاجات كتير واقولها يا بنتي لا انتي شاطرة لا انتي بتعرفي طب جربي اعملي كذا... الثقة بالنفس عندها معدومة وتعبت من الكلام معاها عشان دايما بتصدرلي الطاقة السلبية وانا مش ناقصة... انا بعد ما بكلمها حقيقي نفسيتي بتتعب وبشوف العالم اسود... واتفق معاها عشان نخرج تقولي لا عشان مش عارف ايه واي حجة بقا... قولتلها يا انا كل ما بشوفك في المدرسة بتبقي مكشرة تعالي نروح مكان تاني يمكن تنبسطي... لا هي عاجبها حالها كدا وتقعد تسمع اغاني حزينة وتقطع الشرايين وتخليها تعيط... هي اصلا مامتها وباباها مطلقين وهي قاعدة مع مامتها وباباها بيضغط عليها هي واخوها... انا مش عايزة اكون وحشة وكدا بس ياما ناس بيبقوا اهاليهم مطلقين بس بيعرفوا يطلعوا من القوقعة دي ويضحكوا ويهزروا ويخرجوا... انا بحاول معاها بس انا تعبت من كمية المحاولات الفاشلة ده غير ان هي عارفة اني بكره العتاب لكن هي بتعاتبني... مؤخرا بقيت كل ما اشوفها او اكلمها تعاتبني تعبت بجد من طاقتها السلبية دي... وهي دلوقتي كامت بعتالي رسايل ونمت ولما صحيت لقيتها ماسحة الرسايل (اللي كلها عتاب) وبتقولي انسي الموضوع 😏 بنفس الإيموچي ده! أعمل ايه معاها عشان بجد تعبت

7

11