تعبت من الوحده ومش عارفه أعمل صحاب جداد

Question

تعبت من الوحده اغلب الوقت ببقى قاعده لوحدي بسبب أن ماما بتبقى في الشغل و انا لوحدي طول ايام الدراسه بنزل و بروح و باجي مش بحس بالوحده لأن عندي صحاب من المدرسه و الدروس لكن اول ما الاجازه جت و انا حسيت ب وحده رهيبه اكن معنديش حد خالص حتى صحابي مبقوش يسألو اكنهم لما صدقو و حتى مش عارفه اعمل صحاب جداد

Strawberry_63646 🇪🇬 · Accepted Answer

ده طبيعي جدا  بس اهم حاجه تشغلي نفسك بأي حاجه ارسمي اكتبي روحي انشطه ليعلموا فيها الزغرفه والرسم والزرع ومنها تتعرفي علي ناس جديده وقربي من ربنا اسمي برودكاست ذي وعي أو اي حد بتحبيه اعرفي يعني ايه ربنا وهو مين اكتشفي نفسك واكتشفي ربنا يعني قربي منه وربنا يحفظك من كل سوء ويحميكي

Mango_63504 🇪🇬 · Answer

نفس الشي

Strawberry_57363 🇪🇬 · Answer

و ايه الحل

Mango_60072 🇪🇬 · Answer

كام سنه لو ممكن اسال اعتقد مش اكتر من ٢٠

Strawberry_57363 🇪🇬 · Answer

17

Mango_60072 🇪🇬 · Answer

فكرتي تروحي نادي أو تعملي هوايه بتحبيها و تشوفي ناس بتشارك معاكي

Durian_52455 🇪🇬 · Answer

انتى مش تعبانة من الوحدة
انتى تعبانة من الفراغ..
الناس عُمرهم ماكان وجودهم فارق فى حياتنا بالشكل اللى يخليها تقف لو غابوا ونحس بمشاعر سلبية لمجرد إنك متقابلتيش معاهم

الوقت ده فرصة إنك تكتشفى نفسك اكتر وتفهمى مشاعرك على حقيقتها (بعيد عن الناس)
وجود صحاب حوالينا طول الوقت بيخلينا نتوه اكتر ونتشتت ومنعرفش احنا عاوزين اية!

استغلى الأجازة لمصلحتك
فى إنك تلعبى هواية/تاخدى كورسات/تتعلمى حاجة جديدة

Durian_52455 🇪🇬 · Answer

وهتكتشفى إن الوحدة مش بالسوء اللى انتى فاكراه

Apple_58349 🇪🇬 · Answer

ده فراغ مش وحده العبي اخرجى انزلى جيم

Biscuit_63472 🇪🇬 · Answer

حاولي تخلي سعادتك مبنيه علي نفسك مش علي غيرك
استغلي الوقت ده واكتشفت نفسك واستعدي للسنه الجديده انك تكون متطوره وعارفه حاجات جديده تخليك متميزه عن باقي اللي في سنك
اقرأي روايات هتسليكي وهتعملك كتير قوي من الحدوته بتاعتها ومن اسلوب الكتابه واللغويات كمان 
لو بتحبي اي نوع من الفنون ابدأي اتعلميه بحيث لما تبدأي السنه الجديده تقدري تقولي انا اهو وبعرف اعمل ده 
صدقيني الناس بيقربوا من الشخص المميز قوي

Cookies_63308 🇪🇬 · Answer

يعم عادي بتحصل مش انتي لوحديك

Pear_63213 🇪🇬 · Answer

تعالي نبقا صحاب

Avocado_63682 🇪🇬 · Answer

هي فترة و بتعدي و كل يبني ادم بيعدي عليه الفترة دي انتي حاولي يبقي عندك اكتفاء ذاتي و اخرجي روحي نادي روحي جيم و صدقيني هتتعرفي علي ناس حقيقة مش فيك زي اللي كانوا حواليكي

Hazelnut_63122 🇪🇬 · Answer

ده وقت فراغ و اصدقائق اكيد عندهم حياتهم ازلي اشتغلي او خدي كورسات او طوري من اي موهبه عندك

Strawberry_57363 🇪🇬 · Answer

بنت؟

Pear_63213 🇪🇬 · Answer

لا