تعبت من ضغط أهلي.. مش عارف أرضيهم رغم كل حاجة!

Question

انا تعبت اوي من الحياة جاية عليا من كل ناحية من اهلي دايما مش عارف اراضيهم مهما عملت معاهم حاجات حلوة مش مرضيين برضو عايزين يطلعوا اقصي طاقة فيا لحد ما هموت خاالص مش قادر قلبهم قاسي شوية و بالزات ابويا عايزين يتحكموا في كل حاجة في حياتي تحت مسمي (دة لمصلحتك) اه هما خايفين عليا و انا مقدر دة بس هما بزيادة شوية عايزين يعملوا هما و يتحكموا في كل حاجة في حياتي و انا معملش حاجة خالص و انا صغير ابويا جلدني زمان و كنت ياما بتضرب عشان اسباب تافهة و امي طول النهار و الليل تدعي عليا و الله العظيم انا شاب زي الفل و مش مدمن حاجة الحمدلله و اعرف ربنا و كويس دراسيا الحمدلله و دايما بجيب اعلي الدرجات بس برضو بعد كله دة مش مرضيين و مش عاجبهم بيعاملوني بطريقة كأني شاب مدمن حاجة و مخدرات و واحد ضايع استغفر الله بس انا مش كدة و نفسيتي متدمرة عالاخررررر مش عارف اعمل ايه 
اي نصيحة لوجه الله يجازيكم الخير ❤

Mushroom_29414 🇪🇬 · Accepted Answer

هوا غالباً طالما حضرتك زي ما قلت خلوق ومش بتعمل حاجة تستدعي المعاملة دي يبقى قصور فيهم هما والأسباب كتير الصراحة لاساءة الاب والام دون سبب واضح ، عايزاك تفضل زي ما انت وتراعي ربنا في كل حاجة وكل ما الخناق يديق عليك تدعيه اكتر وحاول تدور على حاجة تهون عليك وتكون حاجة كويسة طبعا سواء كانت هواية أو صديق وإن شاء الله لما تستقل عنهم تنفس الصعداء وابدأ حياتك بهدوء بقراراتك انت

Waffle_44444 🇲🇦 · Answer

الله يكون في عونك ، هل سبق و جربت تتكلم معاهم في الموضوع ده ممكن هادا ناتج عن سوء التواصل بينكم و هل وقع شيئ من قبل يخلي تقتهم تتزعزع حاول تتكدر نقطة التحول للي خلت علاقتكم هكدا

French Fries_46802 🇪🇬 · Answer

لما اجرب اتكلم معاهم و اخذ رأيهم بأي موضوع ميرضوش يتكلموا و لما اجي اخذ رأيهم في اي حاجة و اتكلم معاهم ميرضوش يتفاهموا معايا ابدا و يقوموا يشغلوا نفسهم بأي شيئ عشان اوقف انا كلام معاهم