تعبانه من الامتحان وصحبتي خذلتني 😔

Question

انا كان عليا امتحان شامل رياضيات ف انا تعبانه جداً جداً وليا اسبوع منزلتش دروس خالص و الامتحان يوم الاربع ف انا من كثر التعب اجلته وخليته الخميس الي هو انهارده بس تعبت ومقدرتش انزل الحصه بعت لي صحبتي وقولتها قولي للمستر اني مش هقدر اجي عشان تعبانه قالتلي هنشوف مفهتمش ردها وسكت مع ان صحبتي دي نعرف بعض من بدري والعيله كلها عرفاها أكدت عليها تاني قالتلي حاضر هقوله وقولت لي اخواتي هما وفي السنتر يقولو للمستر اني تعبانه وكده وانهم يجيبولي ورقه امتحان احلها واديها للمستر ولو قفلت مش عاوزه جائزه زي الي هيقفلو بس هما فهمو غلط قالولو انهم عايزين ورقتي فاكرني امتحنت والمستر كذالك قولت عادي اكيد صحبتي قالتلو بعتلها رساله اسألها رنت عليا قالتلي والله انا كنت في السنتر الي تحت مطلعتش فوق خالص و طلعت من الامتحان متعصبه ومشيت علي طول وزياده علي ده كلو المستر طرد كل الي ممتحنوش و خلاهم يكتبو اسمائهم وارقامهم عشان يعمل مجتمع جديد😔وانا مش عارفه اعمل وانا قفلت معها وقولتلها هتسرف وقعدا ابكي كثير وكلو يقولي بتبكي ليه قولتلهم مفيش حاجه صحبه زي دي اعمل معاها ايه مقدرتش تطله سلم تقول للمستر اني تعبانه وتخدلي ورقه وتنزل!!؟

Apple_45750 🇪🇬 · Accepted Answer

لا صدقني وي وربه كشف بتاع علاجك والله مش هيقولك حاجه الموضوع مش مستهل عيط ولا زعل منك 😓

Apple_45750 🇪🇬 · Answer

كلمي حد من السنتر أو كلمي المستر بنفسه وي هو اكيد أن شاء لله هتبقي كويسه وي تنزلي درسك تاني وي هو يتفاهم انك كأنتي تعبانه

Biscuit_40239 🇪🇬 · Answer

انا خايفه يكون قرار نهائي ويطرد اي حد و مجرد اني جاني تفكير ده قعدت ابكي 🥲

Coffee_26089 🇪🇬 · Answer

هيا قالت او مقالتش احسني  الظن وخلاص ويمكن هيا فعلا معرفتش تقوله وانتي كدا كدا مغلطيش ومغيبتيش بمزاجك كان عندك عذر وكنتي تعبانه لما تروحي المرا الجايه للمستر كلميه وقوليله انك كنت تعبانه جدا ومقدرتيش تحضري الامتحان وقوليله انك تعوضيه يوم تاني او كدا او خدي رقمه وقوليله في رساله نفس الكلام

Biscuit_40239 🇪🇬 · Answer

انا  ولا عمري فوت امتحان وبذاد للمستر ده لانو بيقارن بيا انا وبنت خالتي وكده  ف هي حضرت الامتحان وانا لا ف الموضوع فيه حساسيه شويه بلنسبه ليا

Apple_45750 🇪🇬 · Answer

اه عادي ولا يهمك انتي عندك عزرك انتي ما غبتي بمزجك هو أن شاء لله يتفاهم وي ترجعي اشطر من اول

Biscuit_40239 🇪🇬 · Answer

معايا رقمه بس المستر مش بيرد علي الخاص أبداً + صحبتي قاصده متطلعش لان المبرر مش مقنع دي بتقولي محمود عصبني خالص واتخنقت ونزلت روحت علي طول (محمود ده واحد شغال في السنتر و يخنق جداً كل ما يشوفك لازم يعصبك يعني غتت جداً ف بيعمل نع الكل كده ولما عمل معاها اخدتها حجه مع انها كانت تقدر تطلع عشان صحابنا الي هتروح معاهم طلعو يتأكدو من المستر علي اجاباتهم وهي وقفت تحت تستناهم ليه مقللتلهمش يقولو للمستر

Biscuit_40239 🇪🇬 · Answer

عندي أمل انو يرجعني بس خايفه جداً مش بحب اتحط في موقف زي كده 😭😔

Apple_45750 🇪🇬 · Answer

متخفيش هو أن شاء لله مش هيحرجك وي هيدخلك عادي وي هترجعي احسن وي اشطر من اول مكان روحي خدي ولدتك لو مش حبه تحرجي نفسك أو خدي ولدك معكي هو هيتفاهم وي كل حاجه هتبقا تمام أن شاء لله

Biscuit_40239 🇪🇬 · Answer

ان شاء الله خير انا الي مدايقني صحبتي الي مرضتش تقولو وحطتني في الموقف ده 😔

Apple_45750 🇪🇬 · Answer

بصي دي مش صحبه الصحاب بتحب بعضها مش بيكونو كدا يعني خليها زي اي وحده تعرفها وي خالص في حياتك

Strawberry_45974 🇪🇬 · Answer

بصي حاولي تخلي مامتك تكلم المستر لأنه اكيد مش هيحرج ولي أمر 
لو معرفتيش كلمي المستر انتي و قوليلي ظروفك وانك كنتي تعبانة و متخافيش أن شاء الله هيتفهم ده و هيدخلك
صاحبتك دي ابعدي عنها و قللي التعامل معاها خالص عشان هي متستاهلكيش و لا خايفة علي مصلحتك ومتطلبيش منها أي حاجة تاني بجد

Biscuit_40239 🇪🇬 · Answer

هي عملت معايا مواقف كتيره اوي وانا بقيت اعتبرها كده انها واحده معايا كده وخلاص بس موقف زي ده ليه تعمل فيا كده وتحطني في الموقف ده ليه حسبي الله ونعم الوكيل انا لو المستر مرضيش يرجعني مش هسامحها أبداً أبداً أبداً

Biscuit_40239 🇪🇬 · Answer

المستر يعرف العيله كلها بس خايفه برضو لو مرضاش يدخلني هخلي بابا يكلمه ربنا يسترها+انا بجد ادايقت منها وقررت اني مش هعدهالها بلساهل كده وهقلل كلامي معاها لانها كشفت نفسها بنفسها

Apple_45750 🇪🇬 · Answer

اهدي كل حاجه هتكون بخير أن شاء لله تفاء الخيره تجده

Biscuit_40239 🇪🇬 · Answer

🤍🤍ربنا يسترها يارب وتعدي علي خير