اتفصلت من طب وعايز مهارة جنب الكلية

Question

انا كنت في كليه طب واتفصلت المهم يعني ان انا خلاص قفلت من التعليم كله فانا هخش يعني هاخد كليه تجاره كده اللي هو اي كليه والسلام وبحاول اتعلم مهاره جنب الكيله  تبقى هي دي مصدر داخلي وشغلي بعد ما اخلص كليه فهل في اي ترشيح من اي مهاره معينه
او طريقه اعرف بيها انا متميز في اي

Strawberry_52341 🇪🇬 · Accepted Answer

في طريقه سمعتها انك بتدخلي لشات جي بي تي تقوليله اسالي اسئلك و من اجابة الاسئله ده حدد لي انا انفع لاي وظيفه على اساس انك كارير مانيجر او ممكن تعرفي نوع شخصيتك و تدوري ايه الوظايف المناسبه ليها و تبدئي تشوفيها و طبعا التجربه جزء من الخطه انك تجربي كذا كورس من يوتيوب و تشوفي انتي متشده لاي مجال اكتر

Pineapple_64801 🇪🇬 · Answer

اسأل عن خراطيت الاصطمبات الحقن دى زيها زى الهندسا كدا بس صنعه ودخلها كويس جدا

Cookies_56544 🇪🇬 · Answer

اولا لازم تعرف ايه المجال اللي ممكن تكون بتحبه و تتعلمه بسرعه ، اعرف ايه مهارات ممكن تكون بالفعل عندك و تبدأ تطورها بدل ما تبدأ ف حاجه من الاول ، طور لغه اجنبيه جنب اي كان اللي انت هتتعلمه  ، graphic design , programing, cyber security,data analysis, ممكن دورات infection control and safety, اداره بكل انواعها و ممكن مستشفيات ، ممكن تدخل خاص تمريض أو كليات طبيه ، أو تسافر تدرس برا

Donut_77100 🇪🇬 · Answer

اشتغل مصمم جرافيك .. مجال شيق ومربح وفي نفس الوقت مش متعب
بس محتاج تكون عندك حب لأى مجال هاتشتغله
من غير شغف عمرك ما هاتنجح

Cookies_56544 🇪🇬 · Answer

ممكن كمان مع اللغه كورس الترجمه الطبيه ، دور ع منح في جامعات اجنبيه ، دور ع جمعيات التبادل الثقافي سواء حاجه تطوعيه و لما تسافر تقدر تقدم هناك ع دراسه ، انك تطور من نفسك و تشتغل ملهاش اي علاقه بشهادتك و انا شايف أن ده الاهم اللي تدور فيه و تبذل فيه جهد اكتر ، واخيرا خلي عندك رضا بقضاء الله سبحانه وتعالى واعرف أن كل شيء لسبب و اللي حصل معاك هو الخير ليك و طبعا قرب من ربنا اكتر ف كل الأحوال