تربيتي قديمة ولا الناس بقى عندها اوبن مايند؟

Question

أنا عند٢٠سنة والدتى اتوفيت وهى كانت كل حاجة حرفياً من بعدها ابتدت الدنيا تخبط فيا عرفت صحاب مش شبهى ناس اذيتنى بكلام بقا معاملة مش احسن حاجة تربيتى قديمة شوية يعنى مش شبه البنات بتاعت دلوقتى ليا حدود ف كل حاجة حتى فتعاملاتى دايماً بتشاف انى قفل دايماً اى حد يخش حياتى يمشى عشان بدى اهتمام وحب وبتقى ربنا مابعرفش اخون علاقتى مابتكملش بحد هل أنا فعلاً تربيتى قديمة ولا الناس بقا عندها الاوبن مايند عادى مش عارفة العيب منى عشان بعمل لنفسى حدود ومش بتكلم مع اى حد ودايماً لما حد يحاول يتعرف عليا يبقا غرضه مش كويس ليه بجد الناس بقيت كده 💔

Cherry_36595 🇪🇬 · Accepted Answer

هو الصح الي انتي عمله انتي احسن منهم في كل حاجه والله صدقني العيب فيهم هما مش فيكي

Strawberry_39895 🇪🇬 · Answer

انتي صح

Chocolate_35591 🇪🇬 · Answer

متقوليش كده عيب عمره ما يكون عليكي للاسف عيب فى زمن ده 
انت صح و خليكي كده دايما اوعي تتغير 
خليكي دائما غاليه و مش اي حد بوصل ليكي زلت يكلم معاكي

Avocado_37663 🇪🇬 · Answer

للأسف اليومين دول ناس كتير بقيت بعيده عن ربنا ،بس زي ما أنتِ مش تربية قديمه ولا حاجه دا هو الصح ودا اللي يرضي ربنا وملكيش دعوه باللي يقول ،مادام ربنا راضي عني ،طز ف الناس .

Mango_39243 🇪🇬 · Answer

والله دايماً اقعد أعيط واقول يارب اشمعنا بيحصل معايا كده على رغم ان فى بنات مش كويسة والناس بتبقا عارفة وبيكلموا معاهم

Mango_39243 🇪🇬 · Answer

مابقتش عارفة أنا الصح ولا الناس الدنيا بقيت حواليا فاضية عشان مابحبش الحال المايل

Mango_39243 🇪🇬 · Answer

من كتر ما انا متحفظة بقيت لوحدى بقيت اشوف البنات عادى بأسلوبهم وطريقتهم والناس حابينهم كده وانا اللى لوحدى عشان مابعملش زى طريقة دلوقتى

Mango_39243 🇪🇬 · Answer

أنا مش متحفظة جامد والله بس بحاول احافظ على شكلى قدام الناس ونفسى ومع ذلك اللى بيتحب البنات التانية بقيت بلوم على تربية اهلى

Avocado_37663 🇪🇬 · Answer

بتتحب عشان ساهله ،خليكِ صعبة المنال .
وعلي فكره أهلك عملوا الصح وبكره لما ربنا يكرمك وتتجوزي وتخلفي هتعرفي ده 
ف ادعيلهم بقا .

Coffee_36314 🇪🇬 · Answer

السلام عليكم اولا 
ثانيا انت معملتك مش قفل خالص ده بالعكس مامتك و باباكي ربوكي احسن تربية مش زي بنات دلوقتي بعدين خلي لكل شخص حد لا انت تتجاوزيه ولا هو يتجاوزه،  و يريت باقي البنات يعاملوا الناس زي ما حضرتك بتعاملي الناس كان زمان دلوقتي الجيل مش بايظ