انا وهو اتخانقنا جامد اوى بسبب أن حد اتصل بيا من الشغل زميل يعنى وكان بيسألنى عن حاجة كان ممكن يسأل اى حد تانى غيرى انا عارفة ..وزميلى ده كلمنى واحنا راجعين من خروجتنا قعدنا نتخانق جامد اوى لدرجة أننا كنا هنعمل حادثة بالعربية وهو مابقاش مركز خالص ف الطريق وبعد كدة ركن وقعد يزعق وكان هيمد أيده مش عارفة هو أوفر ولا انا اللى مستفزة انا عمالة أقوله زميلى بيسألنى على حاجة ف الشغل مش بيكلمنى يعنى يطمن عليا مثلا وهو كان بيقولى انتى ازاى مش عاملة حدود أن مجرد ما نخلص شغل خلاص كدة الكلام انتهى سايبه ده يكلمك وده يكلمك فأنا استغربت أسلوبه وحسيت فى شك وعمال يقولى نا اصلا مش عايزك تشتغلى عشان كده بس سايبك عشان انا عارف انك هتزهقى وهتسيبيه من نفسك... انا مش عارفة اعمل ايه بجد ومن ساعتها مش عارفة ارد وروحنى ومبنتكلمش ومش عارفة اعمل ايه

6

0