روحت لنفس الدكتور اللي من ٣ سنين قالي دي التهابات عادي وقتها قالي لا احنا كده لازم ناخد (عينه بتتاخد علشان يتحدد بيها نشاط الخلايا ولو فيه نشاط غير طبيعي)biopsy علشان نعرف فيه ايه لأن كده مش طبيعي ووقت ما جيتي مكانش ده الوضع خالص..بالفعل عملتها وطلع عندي كانسر.. الفكره بقه مش ف كده الفكره ف إن النوع اللي عندي اسمه Paget disease هو بيبدأ من الحلمه هو نوع نادر وبيتشخص ف أوله ك التهابات..بس الدكتور غلط جدا ف حقي إنه مخلانيش أعمل biopsy من أول مره..لما روحت لدكتور تاني قالي كان لازم الدكتور حتى لو وقتها كان شايف إن دي التهابات ياخد منك عينه وقتها.. طبعا مش بحط اللوم على حد كله قضاء وقدر وف نفس الوقت عارفه إني غلطانه...بس الدكتور نفسه اللي روحتله من ٣ سنين فعلا اتضايق وزعل إنه وقتها مقاليش ناخد عينه..لو كنت وقتها خدت عينه كان زمان الوضع بقى أحسن بكتير لأنه انتشر عندي للعقد الليمفاوية بس الحمد لله لحقته قبل ما يوصل لباقي جسمي..العبره من كل ده أي تغيرات في الثدي إياكِ تسكتي عنها ولو فيه دكتور مثلا طمنك وكده اعملي بكلامه أكيد بس خليكي متابعه خدتي دوا ومحصلش تحسن فورًا ترجعيله وتعرفيه لأن ده مفيهوش هزار خالص وكل حاجه ف أولها علاجها بيكون أفضل وأحسن بكتير

8

1