في تجربة مرّت عليا، اتعرفت على بنت كانت بتتعامل معايا بطريقة مختلفة جدًا، كانت بتحاول تعمل كل حاجة تخليني أرتبط بيها وأتعلق. أي طلب كنت بطلبه، كانت بتنفذه بدون تردد، بل بالعكس كانت ساعات تزود حاجات من عندها وتفاجئني بحاجة أكتر من اللي أنا متخيله. الموضوع في البداية شدّني جدًا، وحسيت إن في انسجام غريب ما بيننا، وإن في مساحة كبيرة من الرضا والقبول. ومع الوقت اتعلقت بيها وبالأسلوب ده. لكن لما بعدنا، بدأت أحس إني مش قادر أتجاوز التجربة دي، وكأني اتعودت على مستوى من الاهتمام والخضوع مش سهل ألاقيه تاني. اللي مأثر فيا أكتر إني بفكر: هل اللي شوفته دا أصلاً ممكن ألاقيه بشكل “سوي” أو في إطار علاقة صحية وحلال زي الجواز؟ ولا اللي أنا اتعودت عليه مجرد استثناء مش ممكن يتكرر؟ حتى لو زوجتي في المستقبل بتحبني وبتحاول ترضيني، هل طبيعي إنها تعبر عن احتياجاتها بالطريقة دي؟ ولا دا شيء مش موجود في العلاقات الطبيعية

2

9