السلام عليكم ورحمة الله أنا عندي ١٩ سنه ،هحكي من الأول ،لما كنت في ثانوي كنت ببص لزمايلي وكنت بحس الأرفع مني أحلى في الشكل واللبس ،مع العلم أنا كان وزني طبيعي ٥٤ وطولي ١٦٠ ،جيت في ٢ث بدأت آخد حبوب تخسيس اسمها كروماكس ،أمي وأبويا عرفوا فزعقولي جامد وأنا كدبت عليهم وقولتهم دا دوا للإمساك مع العلم أبويا كان شغال في صيدلية قبل كده وعارف كل الأدوية ،فبابا راح جبلي ملين اسمه مينالاكس ،فأخدت منه اول مره وجبلي اسهال شديد ،بس بعدها جيت أبص لقيت وزني نزل ،ففضلت آخد منه كتير لحد ما وصلت إني باخد ب٢٠ حبه في اليوم ،وده لأن مفعوله بيقل مع الوقت ولازم تزود الجرعه ،انا أخدت بالي إن الملينات سببتلي اضطراب في الأكل ومشاعر غضب وقلق وارهاق وتعب وقلة تركيز وإنهاك ،لدرجة إن مستوايا الدراسي قل ،مع العلم أنا كنت متفوقة جدا وكنت الأولى على مدرستي في سنه ١،٢ ث ، جيت في ٣ث مقدرتش أذاكر وكنت بحس إني تعبانه جامد والتركيز صفر ،وطبعا وجع بطني كل يوم بسبب الملينات ،حتى بطلت أروح الدروس علشان كان بيجيلي اسهال في اوقات غير محدده ،وبعد ٣ث جبت ٧٥.٥ ودا دمر أمي وأبويا ،علشان كان املهم فيا وعلشان أنا كنت شاطره جدا ومتفوقه ،وعلشان حالتنا المادية مش أحسن حاجه فدخلت تربية حكومي ،دلوقتي أنا لحد دلوقتي باخد ملينات ومش عارفه ابطلها ،حاولت كذا مره وكان بيجيلي إمساك شديد وبطني بتكبر وبيجيلي صداع واحتباس سوائل تحت الجلد ،ياريت حد يساعدني ،انا عايزه ابطل ملينات ومش عارفه ،انا روحت لكذا دكتور ولكن منفعوش

1

24