موضوع:

احكولنا ازاي شخصيتك اتغيرت للاحسن او الاسوء

كنت باخد مخدرات من ١٥ سنة او اكتر و عايش عادي جدا و فاكر ان الحياة ف اللذيذ و معنديش اي مشكلة خالص و اشتغلت في اكتر من مكان و علاقتي باهلي كانت نوعا ما هشه شويه و تفوت الايام لحد ما غرقت في مخدر معين كدا مشهور اوي ف مصر و مبوظ ناس زي الورد ولاد و بنات و اعتقد في ٣ شهور بس من تعاطيه خسرت ٢٠ كيلو من وزني و سبت شغلي و كنت باخد دورة تكلفتها ٢٥ الف سبتها و قولت تضرب تقلب انا مش فاضي ليها انا ورايا مخدرات اهم و كمان بدأت اتخاذل و ابعد عن صحابي و مش قادر اوصف الحالة النفسية اللي كانت في الحضيض افكار يأس و فشل و موت و شفقة على الذات و كل ما تتخيله...لحد لحظة انا بسميها لحظة اليقظة الروحانية ربنا اداني دفعة كدا ف ثانية دخلت ل امي حكيتلها كل حاجة بتحصل و النهاردة الحمد لله ليا ٩ شهور و ٤ ايام ولا مخدرات ولا سجاير و الواحد بقا صادق مع نفسه قبل الناس..ملتزم و بيتحمل المسئولية و بيحاول يجتهد و يصلح و يطور علاقته مع ربنا و اهله و كمان يبعد عن اي حد بياخد مخدرات و يساعد اللي مبلي بيها في حاله لو طلب انه يتساعد و يتعلم من التجربة دي

12

15