معاناة الزواج وضياع إرادتي 🥲

Question

اتجوزت الانسان اللي قولت هو دا العوض وحبيته اكتر من نفسي..واني غامرت واتغربت وسافرت بعيد عن اهلي وصحابي وناسي وعيشت معاه هو واهله..وبجد ياريت اللي جرا ماكان عايشه ٥ سنين بحاول اتأقلم علي اني بقيت مسلوبه الاراده واني لازم ابقا سلبيه ومليش اي رد فعل ف اي حاجه..بجد الواحد عايش ف صراع داخلي ربنا بس العالم بيه..ومنقدرش نتكلم ولا نشتكي عشان فالاول كان اختياري انا وحاربت عشانه🥲

Kiwi_36496 🇪🇬 · Answer

كل اللى اقدر اقوله لك  ادعى ادعى بجد ربنا يهدي ليكى ويحنن قلبه عليكى

Tomato_38019 🇪🇬 · Answer

مهو الوحد مش بيحب الغلط الأول في الحياة احنا بنجري وع مشاعرنا الأول قبل منجري ع نفسنا لكن في حجات متكون هي الصح وبتكون غلط وانتي عملتي الي عليكي علشان انتي شوفتي الصح من نحيتك لكن انتي تستهلي احسن من كدة ودة حقك بس لازم تصبري علشان حياتك ونفسك ولاهم من كل انك متضحيش في لحظة غصب علشان متخسريش نفسك واهلك

Broccoli_39237 🇪🇬 · Answer

المشكله ان الكلام سهل..بس فعلا التنفيذ صعب...انا واحده محكوم عليها ان حتي الشغل اللي يخليني اقدر احس اني عايشه مرفوض..بقيت حاسه ان الدنيا والناس وكل حاجه حوليا بتمشي وانا واقفه مكاني راسخه قدام فكره اني بحبه ومش عارفه اخد موقف منه

Broccoli_39237 🇪🇬 · Answer

يارب والله بدعيله بالهدايه وصلاح الحال بس استغفر الله كأن ربنا مش قابل اني ادعيله كل ما بدعيله الدعوه بتترد بالعكس 😓

Tomato_38019 🇪🇬 · Answer

مقولتش حاجة بس في كلام بقوي وكلام بيضعف وانتي اختاري انك تكوني ضغيفة لية لية متكونش نفسك وحياتك وانتي مستقرة بنفسك يعني تقعدي مع نفسك وتطلعي عيوبك وعيوبو ومميزات ومميزاتوو واتختاري الصح لية اي كان بس تبصي ع الجانب الصح ليكي مش لي قلبك ولا حبك؟؟ فهمني

Broccoli_39237 🇪🇬 · Answer

عشان مشكله الشخص اللي بتعامل معاه هو انه مبيشوفش نفسه غلط نهائي ودايما ف اي مشكله يقلب الترابيزه ويجيب الغلط فيا انا رغم ان بيكون الغلط منه هو دا بالنسبه للمشاكل اما بالنسبه للشخصيه اختارت اكون ضعيفه ليه..دا لاني عايشه معاه لوحدي..ولما بنوصل لمشكله ممكن افضل قاعده بالأسبوع او اكتر لوحدي محدش معايا ولا حد يكلمني ف بكون مضطره اني اتقبل الامر الواقع واصالحه عشان محسش بالوحده ويبقالي ونس

Watermelon_38846 🇪🇬 · Answer

ليه متقدريش تتكلمي ولا تشتكي انتي  اه اخترتي شريك حياتك بس ده الطبيعي مكنش غلط منك ولا الصح انك كنتي تختاري حد بناءا علي اختيارات حد تاني ايا كان مين الحد ده الي حصلك ده نصيب مكتوبلك سواء مع الشخص ده او مع غيره ربنا الي مسخر النصيب ده وكده كده كان هيحصل 
متقعديش تلومي في نفسك وتذودي فوق همك هم وادعي كتير ربنا يزيل عنك همك ويصلح حياتك ويهدي سرك انتي قويه وتقدري تغيري حياتك للأحسن بس استعيني بالله

Broccoli_39237 🇪🇬 · Answer

ونعم بالله ربنا ييسرلي امري ويهديه 🤲💙