بقالي اكتر من ٢٠ سنة مدمن افلام اباحية و عادة سرية.. انا تعبت من محاولة اني اتخلص من القرف ده حاولت كتير و اقصي مدة وصلتلها كانت شهر و بعدين برجع تاني .. البوست ده ممكن اعتبره فضفضة مع نفسي و محاولة اني اشارك مشكلتي يمكن الاقي الدعم اللي يخليني اكمل .. اعتقد الوحدة و الفراغ و البعد عن ربنا هما السبب.. كمان الحياة بقت وحشة اوي و كلها ضغوط و كآبة و الموضوع ده يعتبر بالنسبالي مصدر سريع للدوبامين و بيقلل الضغط .. انا عارف انه مصدر غير صحي ، بس معظم الوقت نفسي بتغلبني و مابقدرش اقاوم .. حاولت العب رياضة بس شوية و بطلت .. كنت بحس اني نشيط ساعتها و نفسيتي احسن .. كسلت مرة واحدة و رجعت القرف ده تاني .. كل ماكون مكتئب او مضايق او مضغوط بعمل كدة ، بحس بشعور لحظي من السعادة و الراحة لكن بعد كدة بكره نفسي و اتضايق اكتر .. حاسس ان انا في دايرة مقفولة .. دايرة مش عارف اخرج منها .. و انا كبرت بصراحة و العمر بيجري و ابتديت الاحظ تأثير الموضوع ده علي جسمي .. ضعف في التركيز ووجع في الجسم ، بجانب اني بقيت منعزل و مبحبش اكون مع الناس و معنديش مهارات اجتماعية و شخصيتي ضعيفة ..مش شايف ان في فرق بيني و بين مدمن المخدرات بصراحة .. مع اني مابدخنش ولا بشرب بس صحتي زي الزفت من القرف ده.. علي طول تعبان و كسلان و مرهق و معنديش طاقة .. انا مش هفضل كدة لغاية ماموت ! انا محتاج احارب نفسي و شهواتي .. عارف ان الموضوع ده مش هيكون سهل و الرحلة طويلة بس انا خسرت كتير و مش عاوز افضل علي نفس الوضع للي باقي من عمري .. انا هتوكل علي الله و باذن الله هكون احسن و هتحكم في نفسي و هبقي اقوي و أحسن من قبل كدة .. بسم الله النهاردة اليوم ١ لمحاولتي الاقلاع عن الاباحية و العادة السرية .. يا رب ساعدني

11

2