تجربتي بعد الطلاق وعلاقات جديدة.. حيرة ومشاعر متضاربة

Question

دلوقتي يا جماعة انا مطلقة متجوزتش فترة طويلة انا قعدت ٧ شهور و انطلقت عشان هو بدأ يتعاطى و كان في ضرب و اهانه اكتر من مرة و سبب مشاكل خلال حملي و قعدت فترة طويلة بعد الطلاق نفسيتي زي الزفت و قافلة على نفسي ، دلوقتي انا ٢٤ سنة و معايا بنوتة سنتين دلوقتي و رجعت انزل شغلي و دنيتي تمام و دلوقتي في شخصين شخص قريبنا من بعيد بنكلم سوشيال و كده من اول طلاقي بفضفض و كده و هو بيلمح لحاجات من زمان بس مش واخد اي خطوة جد بس انا حساله حاجه و هو ٣١ سنة و متجوزش قبل كده ، و حاليا في شخص تاني من الشغل في قمة الاحترام و تعاملنا رسمي بس هو في فترة مرضي و دخولي المستشفى وقف جنبي و في كذا موقف تاني و هو عرض يتقدم علاطول بدون اي تلميح هو ٢٦ سنة مش متجوز قبل كده بس انا مش حسابه بحاجة

Strawberry_61395 🇪🇬 · Accepted Answer

بصي يا روحي طبعا المفروض تختاري التاني اللي 26 سنه لأن شكلوا جد ومش بيلعب بيكي ومحترم كفايه اخترتي مره حد وحش المرادي اختاري صح عشان حتي بنوتك تلاقي ظهر لما تكبر بس نصيحه اوعي تختاري اللي عندو 31 ده

Banana_20681 🇪🇬 · Answer

الله يقويكي

Avocado_53960 🇪🇬 · Answer

شوفى الأنسب ليكى و لبنتك واعمليه

Carrot_47286 🇪🇬 · Answer

اهلهم ممكن ميوافقوش اصلا

Avocado_62349 🇪🇬 · Answer

اختاري الأمان اكتر لبنتك و اتكلمي معاها قبل اي حاجه و قدري مشاعرها قبل اي حاجه و حطيها اولويه في حياتك

Avocado_62349 🇪🇬 · Answer

حتى لو بنتك صغيره هتفتكر انك مهدتيلها الفكره من الاساس

Popcorn_41523 🇪🇬 · Answer

الله يوفقك ويقويكي اعملي استخاره وان شاء الله ربنا يدلك على الاحسن

Banana_53818 🇪🇬 · Answer

ايه حساله ومش حساله دي

Avocado_62349 🇪🇬 · Answer

ربنا يريح بالك حبيبتي

Pineapple_64111 🇪🇬 · Answer

الأمان ليكي و لبنتك

Mango_52631 🇪🇬 · Answer

بصى حضرتك اختيارك لاي شخص اللى بيحدده سبب زواجك من الاساس.. يعنى حضرتك عايزه فقط زوج يتكفل بيكي ويستتك  ويرحمك من الشغل ويكون طبعا بيعرف ربنا ويصونك ولا انتى بتدوري على ونس وحبيب وشريك حياة وبيعرف ربنا فيكي اكيد وانتى كده كده مصممة انك تشتغلي برضو وتربي بنوتك .. لان كل اختيار مختلف عن التاني ومش شرط الاتنين دول بشكل عام ممكن يظهرلك بكره حد تالت

Tofu_26861 🇪🇬 · Answer

اللي ملمحش ده ارمي طوبته الراجل لما بيعوذ حاجة بيطلبها دوغري أما اللي عرض عليك الزواج فهو راجل محترم ودوغري اديله فرصة ولو مش حاسة ناحيته بحاجة فعلا خلاص ركزي مع بنتك لحد ما تيجي فرصة أفضل

Peanut_58879 🇪🇬 · Answer

تعالي ليا انتي عاوزه تاخدي فيها والله نسوان شراميط

Waffle_62639 🇪🇬 · Answer

امال انتي عاوزه ايي.؟

Pineapple_64472 🇪🇬 · Answer

حساكي من الافضل انك تواجي الشخص الى انتى حساله بحاجه وتقوليلو انك حاسه بحاجه نحيته فهل انت شايف ان ممكن يكون في حاجه جد بنا ف المستقبل لو لقتيى مش دغري الى هو مش متعد حاليا مش عارف واجابته مش مباشره خلاص تبقى تبطلى كلام معاه وتخلي تعاملاتك معاه ف حدود 
اما بالنسبة الى الى معاكي ف الشغل وانتى مشحاسه بحاجه نحيته متفكريش في كتير طالما معندكيش مشاعر متظلمهوش معاكي وبس كدا في الحالتين شوفي الافضل ليكي

Mango_56683 🇪🇬 · Answer

بصي فكره انه متجوزش قبل كده ده مش عيب 
و فكره انك كنتي متجوزه و معاكي بنوته ده شيئ مش يعيبك في حاجه
طبعا انتي اكتر حد يقدر يحدد و يقرر
لكن من رايي اللي معاكي في الشغل اللي طلب انه يتقدم رسمي ده اللي اخد قرار و عاوز ياحد اكشن
انما القريب مجرد بيضيع وقت مش اكتر

Banana_63629 🇪🇬 · Answer

ال 26 أحسن  و مش مستهلك عاطفيا و أصغر و فرص أكبر
ال 31  مستقر شوية و عاقل ولكن أكيد مستهلك عاطفيا و كان ليه تجارب سابقة

اختيارك هايبقي ع اساس انتي عايزة واد نغش و صغير ولا واحد راسي و ناضج

دعي الانثي تختار 💯