تاني عيد من غير ابويا اوحش مواسم عدت عليا ، لا عارفة اشتغل عشان ابويا دلعني طول عمري و سبت دراستي بسبب ظروفنا و مش عارفه اعيش حياتي زي اي واحدة ف سني و بتذل من اختي مبترضاش تعملي اي حاجة الا اما تذلني عليها و نفسي اجيب لبس عيد زي اي بنت ف سني و افرح من حقي افرح و مخدتش عيدية بقالي ٣ اعياد ولا بخرج ولا عندي صحاب و عيلتنا مش سالكة حتى لبعض فا مفيش مودة و مبنتجمعش و ف نفس الوقت مش عاوزه اتجوز و انا صغيره كدا لا اتجوز راجل يطلع وسخ و يكمل عليا زيهم ، انا عندي احلام و طموحات مش عارفة احققهم و متأكده اني عمري ما هحققهم لانهم اعلى من واقعي ، كل ما اجي انزل شغل الاقي المدير يطلع شمال و يكون عاوز مني غرض خرا بمقابل مادي اعلى من المرتب المكتوب فا اسيب كل حاجة و امشي ، الحرام ملا البلد معدتش عارفه انا فين و ليه و فين راحتي و فين مكاني و امتى هتنفس هوا نضيف و كفاية قربي من ربنا انا مش كافرة يعني كفايه الجملة المحفوظة دي اكيد مش مستنياها منكو يعني ، انا عاوزة حلول واقعية ، اتصرف ازاي بجد ؟ بقالي سنين ثابتة في مكاني مش قادرة اتحرك.

10

4