انا عندي 20 سنه و دي هتبقى تاني سنه مدخلش فيها امتحانات تالته ثانوي بسبب موقف كنت فاكر انو بسيط في الاول و حاولت اعديه و معرفتش ببساطه كان في واحد صاحبي عزيز عليا نعرف بعض من اكتر من خمس سنين في يوم اتخانق مع صاحبته و حب يرجعلها و استغل ان علاقتي بالناس كلها كانت حلوه . و معرفش هو كان غيران من حاجه ذي كده ولا لا. وانا فعلا حاولت الم الدنيا ما بينهم حتى على حساب نفسي و رجعت في كلامي عشانو عشان كنت متخيل انو هيحاول يصلح الفكره دي بس معملش كده . ف انا معجبنيش التصرف دا فا رحت و قولت الحقيقه كلها عشان ناس كتيره كانت هتقطع معايا لو مكانوش عرفو الحقيقه .و طبعا هو فضل يشوه في صورتي عشان ميبقاش وحش في نظر حد . في مره كنا واقفين بنتكلم قدام كذا حد كان في المشكله بتاعتنا لقيتو مره واحده و احنا بنتكلم ضربني ب مفتاح تحت عنيا اليمين و خيط 7 غرز .وهو والدو مستشار و القانون مجابليش حقي و المصيبه انو جابلي شهود زور و انا الي كنت هتحبس بس الحمدلله متحبستش. بس انا بجد حياتي من يوم 3/1/2024 واقفه ومش عارف اركز في حاجه غير الانتقام و دي مش من طبيعتي افتعال المشاكل مع حد. و لدرجه اني كنت هنتحر من كتر منا حاسس بالعجز و ان مفيش حد من اهلي اهتم بالموضوع بل بالعكس لاموني اني بركز في حاجات مش مهمه و انهم يما حصلهم مواقف شبه الي انا اتحطيت فيها . حاليا انا ابسط طموحي ان دماغي تبطل تفكير و النغزات الي في قلبي متجيش تاني.

8

22