تالته ثانوي ضايعه ومراكمة في المذاكرة - إزاي أنظم وقتي؟

Question

انا تالته ثانوي يا جماعه ومراكمه كتير اوى ومبعرفش اعرب كمان ومتاسستش كويس في المواد وحاسه انى ضايعه اوى ومن كتر دا بقيت خايفه وشايله الهم ودا مخليني مش بذاكر وماما املها فيا كبير انا علمي علوم 
ممكن تقوليلي ازاى الم النحو واجيب كل الاساسيات وابدا من الصفر فيه ازاى 
والفيزيا ممكن حد يقولى افهمها ازاى 
والانجليزي حد يقولى المه ازاى 
بجد انا خايفه اوى اوى

Pineapple_48565 🇪🇬 · Accepted Answer

بصي متخفيش انتي مش متاخرة ولا حد سابقة ولا انتي سابقة حد صلي علي النبي واهدي كدا وابدأي النحو علي اليوتيوب فيه ناس كتير بتشرح شوفي اساسيات كل مادة وحاولي تذاكريها من اليوتيوب وحلي عليها بعد المذاكرة لان المذاكرة والتطبيق الاتنين مهمين وربنا يوفقك ويحققلك اللي في الخير ليكي يا رب

Coffee_33188 🇪🇬 · Answer

افهم القواعد كويس للمادتين وطبق ع فهمك دا بالحل الكتير لازم تحل كتير جداً الحل اهم من المذاكرة نفسها ..واحفظ كلمات الانجليزي كويس وبالحل كله هيكون كويس..وادعي ربنا التوفيق والسداد

Strawberry_12260 🇪🇬 · Answer

ممكن تقوليلي كتاب اسمكتاب للنحو لو تعرفي للحل

Coffee_48558 🇪🇬 · Answer

انا تالته ثانوي زيك ، بصي اول حاجه في النحو اتفرجي علي فيديوهات الشرح بعدين فيديو الحل علي طول بعدين دوري علي فيديو حل تاني و حلي قبل ما المستر يحل بس لازم تكوني حفظتي كويس القاعده و شكل السؤال ، الانجلش برضو كذالك و اهم حاجه انك تحفظي الكلمات اول بأول و تقسميهم والي انتي عرفاه متضيعيش وقتك فيه

Coffee_48558 🇪🇬 · Answer

الفيزيا بقي بصي حطي في بالك أن الي حاطت السؤال مش هيجيلك قانون من براتحلي بيه يعني قوانين منهج السنادي هي الي لازم تستخدميها ، ذاكري الدرس و افهميه و احفظي القانون هو بيكون سهل واقرائي السؤال براحه و شوفي المعطيات بتاعة السؤال حطيها علي جمب و المطلوب لما بصحي عليهم هتعرفي تستخدمي انهي قانون من الي بيربط المعطيات بالمطلوب ابدأي بأنك تحطي القوانين قدام عينك و بعد كده منغير ما تخلصي هتكوني حفظتي

Hazelnut_40888 🇪🇬 · Answer

أبدئي براحه أهم حاجه كل يوم تذاكره ماده واحده بس فى اليوم وقسمي يومك تذاكري اللى بتاخديه جديد وتجيب براحه من القديم وأمشي على نفس المنوال فى مثلا مراجعات لمحمد صلاح على النحو كامل والبلاغه كامله أسمعيهم دي العربي بالنسبه للفزيا بردو جيبي الجديد فى اليوم اللى انتي محدده وجزء من القديم وبهد ماتخلصي مراجعه مثلا من القديم بعد فتره باب لمي القوانين كلها فى ورقه وعليكي وعلى الملخصات فى كل المواد والحل

Hazelnut_40888 🇪🇬 · Answer

حلي كتير جدا ده بالنسبه للفزيا الانجليزي بقا أحفظي كلمات كتير اوي وبردو خصصي ليه يوم واحفظي من الجديد وجيبي احزء من الكلمات من القديم لمي الكلمات الاول وبعدين خدي الجرامر واحده واحده أفهميها كويس واعمللها ملخص بأيدك وحلي عليها كتير لحد ماتثبت بعدين أدخلي على الجرامر اللى بعده وهكذا

Hazelnut_40888 🇪🇬 · Answer

أهم حاجه تظبطي جدول كل يوم ماده واحده بس وخدي يوم اجازه فى الاسبوع رفههي بيه عن نفسك متبدئيش بحماس أبدئي ان تكمل على نفس المنوال والحل ثم الحل الكتير وربنا يوفقك يارب ويهللك الصعب

Avocado_48573 🇪🇬 · Answer

٣ثانوي ماسكه نحو من اول اولي ابتدائي لحد الوقت الحالي تابعي محمد صلاح اعرفي بس الجمله الاسميه  بتكونها والفعليه بتكونها والظروف والحال والنعت وشوية اساسية صغيره ف الاعراب والمستر هيلم كل حاجا معاكو وباين هيعمل كورس دلوقتي اشتركي فيه

Strawberry_12260 🇪🇬 · Answer

يعني بجد لسه في امل الم كل حاجه؟

Strawberry_12260 🇪🇬 · Answer

تمام هعمل كدا وتبدا فيها شكرا ليكي ❤

Strawberry_12260 🇪🇬 · Answer

حاضر هعمل كدا وابدا وهحاول ابعد عن الفون على قد ما اقدر

Strawberry_12260 🇪🇬 · Answer

حاضر هعمل كدا شكرا ليكي ❤

Strawberry_12260 🇪🇬 · Answer

اوكي انا هبدا اعمل كدا وابدا واحده واحده

Strawberry_12260 🇪🇬 · Answer

حاضر هعمل كدا شكرا ليكي ❤

Strawberry_12260 🇪🇬 · Answer

ان شاء الله هعمل كدا شكرا