Coffee_27700 🇪🇬's post
Coffee_27700 🇪🇬
5 months ago
.
Feeling Worried
بتعملوا ايه مع تأخر الجواز وكلام الناس الحشرية بتردوا عليه ازاي وإحساس الوحدة والحيرة؟ انا شاب عندي 30 كل دفعتي وقرايبي في سني اتجوزا وخلفوا وكلامهم معايا محسسني اني متأخر وإن لما اتجوز واخلف هيبقى فيه فرق كبير بيني وبين ابني واني لازم ألحق. والمشكلة إني مش عايز أرضى بأي حد مش مناسب ليا عايز أختار صح وأكون جاهز نفسياً قبل مادياً مش عايز ابقى زيهم وأرجع اقول ياريتني متجوزت
11
359
Potato_51606 🇪🇬
Best Advice
.
3 months ago
نصيبك هيجي في الوقت المكتوب إن شاء الله
12
0
.png)
Mango_15394 🇶🇦
.
5 months ago
انت صح مهو لما تتجوز دلوقتي و تطلق ده مش هينفع ولا ينفعهم في حاجه انت اختار الوقت المناسب ليك الجواز مش بالسن ياما عيال صغيره اتجوزت و جوازهم كان ناجح و ياما عواجيز اتجوزو بردو و كان حبهم لبعض كبير الفكره مش في السن نهائي و الرد المثالي للناس دي انك ترد عليهم و تقولهم أنا ليه شباب و عايز أعيش سني مش بابا زيكم و بجري ورا عيال و كلو بضحك عادي
12
0
Potato_27372 🇦🇪
.
5 months ago
متغلطش الغلطة دية ومتخليش السن يكون عامل ضاغط اكيد انك تتجوز وتخلف صغير شئ ليه مميزات ولكن جوازك من اي حد من اجل الجواز عيوبه اكتر بكتير هيخليك تعيس وهيخلي ولادك يكونوا تعساء يبقي انت معملتش اي حاجة
10
0
.png)
Avocado_27807 🇪🇬
.
5 months ago
الجواز قسمه ونصيب وبعدين سنك اصلا لسه صغير مش كبير متمشيش ورا كلام حد خالص لما تسمع حاجه متعجبكش قولهم إن شاء الله خير وكدا متتجوزش الا انسانه اللي تكون فهماك حسه بيك وانت مقبل عيوبها قبل مميزاتها انت بجد شب صغير مش كبير ولو حتي كبير اختيار شريكه حياتك دي المفروض انت اللي هتخترها محدش هيعيش مكانك عشان يقولك الكلمتين دول
10
0
Ice Cream_27671 🇪🇬
.
5 months ago
انا بنت و في نفس سنك احب اقولك اني ساعات بحس بكدا بس بجد اني اعد في بيت اهلي احسن من اني ابهدل علشان اخترت حد مش مناسب بسبب الاستعجال
10
0
.png)
Avocado_27613 🇪🇬
.
5 months ago
الجواز عمره ماكان محدد بوقت وسن معين لما ربنا يريد كل حاجة بتتيسر ف احنا مش في مسابقة مين اتجوز الاول ومين خلف الاول + انه مينفعش نختار اى حد كدا لمجرد ان اللى فى سننا اتجوزوا الناس الحشرية بقا مش بيسكتهم الرد بهزار اللى بيسكتهم بجد انك توقفهم عند حدهم فيه حاجات معينه مينفعش اي حد يتدخل فيها
10
0
It’s better in the app
Download Toheal on your phone for faster experience.
