بنوته 17 سنه تايهه ومتلخبطه مش عارفه هدفي في الحياه

Question

انا بنوته عندها ١٧سنه وفي تالته ثانوي السنادي وتايه حقيقي وجوايا مشاعر متلخبطه ومش فهمني ولا فهما اي حاجه في حياتي حرفيا مش عارفه عاوزه اي بحب اي بكره اي اي هدفي في الحياه مش عارفه حقيقي بعدي يومي من غير محقق حاجه مفيده محتاجه حد يرشدني يقولي الصح من الغلط علي الاقل يسمعني يدعمني يحاول يخليني القي نفسي حته اعرف هدفي وكل حاجه عندي عادي ومش شايفه نفسي مميزه او كويسه في حاجه ودايما حاسه نفسي ٥٠٪في كل حاجه مش عارفه اطلع او انزل وعلي طول بفكر اني اروح لدكتور نفسني بس بتراجع عشان اهلي مش هيوافقو وانا هروح من وراهم وخايفه من كل حاجه

Watermelon_21419 🇪🇬 · Accepted Answer

حابه اقولك ان نفس شخصيتك بدون تغير حروف وفي ثانوية عامة برضوا 
ممكن بس علشان مش عارفين نظام المنظومة وعدم الاستقرار وعدم الامان ...واحنا في سن لخبطة عاوزين الحاجة وعكسها...انا حاسة بيكي لاني زيك وفكرت في نفس تفكيرك وجربت ومعملش حاجة صدقني ...استخيري ربنا في كل شي واحكيله كل شي وهو هيطبطب عليكي برحمته صدقيني💓

Strawberry_21086 🇪🇬 · Answer

يحبيبي انتِ لسه صغيره وعادي انك تتلخبطي ومتكونيش عارفه هدفك ولا تبقي عارفه تلاقي نفسك بس صدقيني متدوريش على حد هو اللي يخليكي تلاقي نفسك لا انتِ اللي دوري واعرفي هدفك وانتِ مش عايزة تروحي ل دكتور نفسي خالص انتِ بس محتاجه تقربي من ربنآ اكتر واكتر وصدقيني كل حاجه بعدها هتتبينلك حتى ممكن تستخيري ربنآ ف هدفك وسيبيها على ربنآ برضو وثقي ف ربنآ انو هيقويكي وكمان هيخليكي تلاقي نفسك ومتزعليش ربنا هيعوضك ❤🫂.

Kiwi_20413 🇪🇬 · Answer

ماتعمليش حاجة من ورا اهلك دا اولا ثانيا دا طبيعي ان الواحد في فترة كدا لازم يحس بتوهان وتشوش والكلام دا زي ال قلتيه ..والطبيعي برضو انك ان شاء الله هتخرجي من دا وانتي نفسك ال هتخرجي نفسك ملتستنيش حد بيجي يطلعك يعني..اول حاجة ودي الأهم حاولي ع قد ما تقدري تصلي وركزي ع بالليل ال هو تصليلك ركعتين بس وكدا تبقي بتقيمي الليل وهنا كل حاجة في ايدك بقا ..في كلام كتير عايزة أقولهلك بس مش عارفة ومتلخبط اوي

Cookies_21445 🇩🇿 · Answer

التشتت ده راجع لقلة ثقة هتدريكيها بعدين و الفراغ الي انتي فيه بيخليكي ديما في حلقة مفرغة بتدوري فيها بس على السلبيات و الحجات الوحشة طب ايه رأيك نقلب الموضوع و تدوري على الحجات الحلوة الي فيكي و تطوريها اكتر و تملي وقتك بحجات تدخليها فالروتين...ولو انتي حد كتوم اكتبي مشاعرك ما تسبيهاش تتراكم جواكي كل ما تحسي بحاجة وحشة او حلوة اكتبيها هيفرق معاكي جدا على المدى البعيد

Coconut_21407 🇪🇬 · Answer

يا حبيبي هو دا الوقت اللي شخصيتك لسا بتتكون انتي مش بتكوني عارفه انتي ايه ولا فاهمه شخصيتك عامله ازاي انتي لسا بتعرفي علي نفسك انتي متشتته كمان عشان تالته ثانوي ودا طبيعي جدا جدا والله متروحيش لدكاتره ولا حاجه خليكي مع ربنا واحكيلو همومك وهو هيحللك كل مشاكلك وهيقف جمبك وحاولي تفهمي نفسك اكتر وشوفي صحاب كويسين يكونو معاكي ويشدوكي للصح وانا موجوده هو اه منعرفش بعض بس اعتبرني اخت كبيره ليكي 💗

Avocado_21482 🇪🇬 · Answer

الفراغ...
انا زيك في تالته السنادي حاولي علي قد ما تقدري تشغلي نفسك طول ما انتي فاضيه دماغك بتسحلك زاكري او اعملي اي حاجه اهم حاجه متسلميش دماغك للتشتت..
ويعني اي مش شايفه نفسك مميزه طلما انتي شايفه كدا يبقا اي الدافع انك تكملي وتنجحي لازم تشوفي نفسك اعظم حاجه انتي مفيش منك واحسن واحده طول ما انتي بتشجعي نفسك تبدئي في اي حاجه ومتستسلميش لدماغك وتشغلي نفسك صدقيني هتنبهري من نفسك سلميها لله بس وابدا

Banana_11257 🇪🇬 · Answer

لو ينفع تبتعلي يبرو

Strawberry_21413 🇪🇬 · Answer

شكرا ليكي بجد

Strawberry_21413 🇪🇬 · Answer

كملي ياريت

Strawberry_21413 🇪🇬 · Answer

يعني مش لوحدي

Strawberry_21413 🇪🇬 · Answer

حقيقي شكرا ليكي جدا اوي والله

Strawberry_21413 🇪🇬 · Answer

فعلا بيفرق جدا وبعمل كدا
شكرا ليكي ❤

Strawberry_21413 🇪🇬 · Answer

خد طاقه من كلامك بجد

Strawberry_21413 🇪🇬 · Answer

فين

Banana_11257 🇪🇬 · Answer

هنا انستا واتساب تيلجرام الي يريحك